वेगळ्या विदर्भ राज्यासाठी,विदर्भ निर्माण यात्रा
बुलडाणा, दि. ८ (एमएमसी न्यूज नेटवर्क) : विदर्भ राज्य वेगळे व्हावे यासाठी विदर्भ राज्य आंदोलन समिती आक्रमक झाली आहे. वेगळ्या विदर्भासाठी विदर्भ राज्य आंदोलन समिती “विदर्भ निर्माण यात्रा” काढणार असून येत्या 21 फेब्रुवारीपासून या यात्रेला प्रारंभ करण्यात येणार आहे.
पश्चिम विदर्भातील बुलडाणा जिल्ह्यातील सिंदखेडराजा येथील राष्ट्रमाता जिजाऊंच्या जन्मस्थळापासून तर पूर्व विदर्भातून सिरोंचा येथून ही यात्रा नागपूरकडे निघणार आहे. अशी माहिती विदर्भ राज्य आंदोलन समितीचे प्रमुख माजी आमदार वामन चटप यांनी बुलडाणा येथे घेतलेल्या पत्रकार परिषदे दरम्यान दिली .
वेगळा विदर्भ राज्य झाल्याशिवाय विदर्भाचा विकास होणेच नाही अशी प्रतिक्रिया ही त्यांनी यावेळी दिली त्यामुळे वेगळ्या विदर्भासाठी आता विदर्भ राज्य आंदोलन समिती आक्रमक होताना पाहायला मिळत आहे.
ML/KA/SL
8 Feb. 2023
