मुलुंडमधील जागृती सोसायटीला आग
मुंबई, दि. 16 (एमएमसी न्यूज नेटवर्क): मुलुंडमधील जागृती सोसायटीच्या सात मजली इमारतीला लागलेल्या आगीत 10 जण जखमी झाले आहे तर 80 जणांना अग्निशमन दलाच्या जवानांनी बाहेर काढले आहे.
मुलुंडमधील विठ्ठलनगर येथील जागृती सोसायटीतील एका सात मजली इमारतीला बुधवारी दुपारच्या सुमारास अचानक आग लागली . या घटनेची माहिती मिळताच अग्निशामक दलाच्या जवानांनी घटनास्थळी धाव घेतली .Fire at Jagruti Society in Mulund
इमारतीच्या जिन्यावर धूर पसरल्याने पायऱ्या दिसत नव्हत्या. त्यामुळे अनेक लोक इमारतीमध्ये अडकले होते. त्यानंतर जवानांनी ८० लोकांना सुखरुप बाहेर काढले. तर तीन मुलांसह १० लोक बेशुद्ध अवस्थेत आढल्याने त्यांना जवळच्या अग्रवाल रुग्णालयात दाखल करण्यात आले. त्यांची प्रकृती स्थिर असून आगीचे कारण अद्याप स्पष्ट झाले नाही.
ML/KA/PGB
16 Mar. 2023
