या भारतीय अभिनेत्रीच्या हस्ते होणार FIFA फूटबॉल विश्वकरंडकाचे अनावरण
मुंबई,दि. ७ (एमएमसी न्यूज नेटवर्क) : कतारमध्ये सुरू असलेल्या FIFA विश्वचषक फूटबॉल स्पर्धेत विजेत्या संघांना दिल्या जाणाऱ्या करंडकाचे अनावरण भारतीय अभिनेत्री दिपीका पदुकोण हिच्या हस्ते होणार आहे. आजवरच्या फुटबॉल विश्वचषकाच्या इतिहासात यंदा प्रथमच आशियायी देशामध्ये स्पर्धेचे आयोजन झाले आहे.
विश्वचषकाचा अंतिम सामना 18 डिसेंबर रोजी होणार आहे, त्यासाठी विशेष आमंत्रित असणारी दिपीका पुढील आठवड्यात कतारला रवाना होणार आहे.
दिपीकाच्या सौदर्याने आणि अभिनय कौशल्याने आता साऱ्या जगाचे लक्ष वेधून घेतले आहे.नुकत्याच झालेल्या कान्स फिल्म फेस्टीवलमध्ये तिला ज्युरी मेंबर म्हणून नियुक्त करण्यात आले होते. त्याचबरोबर नुकताच गोल्डन रेशो ऑफ ब्युटी या संस्थेने जगातिल सर्वांत सुंदर 10 महिलांच्या यादीत दिपीकाचा समावेश केला आहे.
SL/KA/SL
7 Dec. 2022
