सीमा वादावर फडणवीसांनी केली अमित शहांशी चर्चा
मुंबई, दि. 7 (एमएमसी न्यूज नेटवर्क): केंद्रीय गृहमंत्री अमितभाई शाह यांच्याशी आपण दूरध्वनीवर चर्चा केली. सीमाप्रश्नावर अलिकडच्या काळातील संपूर्ण परिस्थिती त्यांच्यासमोर मांडलेली आहे असे उपमुख्यमंत्री देवेंद्र फडणवीस यांनी प्रसार माध्यमांना सांगितले.Fadnavis discussed border dispute with Amit Shah
विनाकारण महाराष्ट्राच्या वाहनांवर हल्ले योग्य नाहीत, दोन राज्यात अशाप्रकारचे वातावरण असू नये, असे आपण त्यांना सांगितले आहे. कर्नाटकच्या मुख्यमंत्र्यांशी माझा काल झालेला संवाद सुद्धा त्यांच्या कानावर घातला आहे. तेथील मुख्यमंत्र्यांनी मला आश्वासित केले आहेच. पण, तरी त्यांनीही कर्नाटकच्या मुख्यमंत्र्यांना स्पष्टपणे सांगावे, अशी विनंती आपण केंद्रीय गृहमंत्र्यांना केली आहे.
केंद्रीय गृहमंत्री अमितभाई शाह त्यात निश्चितपणे लक्ष घालतील असा विश्वास देवेंद्र फडणवीस यांनी व्यक्त केला आहे.
ML/KA/PGB
7 Dec .2022
