एलॉन मस्क यांनी लॉंच केला ट्विटर ब्लूचा वार्षिक प्लॅन
सॅनफ्रॅन्सिस्को, दि.19 (एमएमसी न्यूज नेटवर्क) : एलॉन मस्क यांनी आता ट्विटर ब्लू सबस्क्रिप्शनसाठी नवा वार्षिक प्लॅन सादर केला. मासिक योजनेच्या तुलनेत ही योजना फायदेशीर ठरणार आहे. ट्विटर ब्लूच्या मासिक योजनेची किंमत 8 डॉलर आहे. परंतु वार्षिक प्लॅनमध्ये 84 डॉलरमध्ये खरेदी केली जाऊ शकते. म्हणजेच वार्षिक योजनेवर 22 डॉलरची बचत होणार आहे. अमेरिका, इंग्लंड, कॅनडा, ऑस्ट्रेलिया, न्यूझीलंड आणि जपान या देशातील ट्विटर वापरकर्त्यांना याचा फायदा होणार आहे.
अॅपलच्या आयओएसद्वारे ट्विटर ब्लू सबस्क्रिप्शन खरेदी करणाऱ्या वापरकर्त्यांसाठी, दरमहा 11 डॉलरप्रमाणेच किंमत राहील. वार्षिक योजना आयोएसवर उपलब्ध होणार नाही. ट्विटर ब्लू च्या सदस्यात्वासह, निळ्या, चेकमार्कसह काही भत्ते दिले जातात. तथापि, प्रोफाइलवर निळा चेकमार्क दिसण्यासाठी वेळ लागू शकतो. कारण तो व्हेरिफेशन नंतरच दिला जातो. त्याच वेळी, नवीन तयार केलेल्या ट्विटर खात्यावर 90 दिवसांसाठी ब्लू सबस्क्रिप्शन घेता येणार नाही.
ट्विटर ब्लू सबस्क्रिप्शनची वैशिष्ट्ये
- सामान्य वापरकर्त्यांपेक्षा 50% कमी जाहिराती दिसतील
- नवीन फीचर्ससाठी ब्लू टिक प्राप्त युजर्सला प्राधान्य दिले जाईल.
- सबस्क्रिप्शनमध्ये वापरकर्त्यांना ट्विट संपादित करण्याची, 1080 पिक्सेलमध्ये व्हिडिओ अपलोड करण्याची क्षमता मिळेल.
- एचडी गुणवत्ता, रीडर मोड आणि निळा चेकमार्क मिळेल.
- निळ्या चेकमार्क क्रमांकाचीही पडताळणी केली जाईल.
- याशिवाय रिप्लाय, उल्लेख आणि शोध याला प्राधान्य दिले जाईल.
SL/KA/SL
19 Jan. 2023
