अंडा करी
![अंडा करी](https://mmcnewsnetwork.com/wp-content/uploads/2024/07/Feature-Photo-tem-2-2-850x550.png)
अंडा करी
मुंबई, दि. 24 (एमएमसी न्यूज नेटवर्क) : प्रत्यक्षात लागणारा वेळ:
२५ मिनिटे
लागणारे जिन्नस:
उकडून सोललेली अंडी ४ ते ६.
मध्यम कांदा उभा चिरलेला
टोमॅटो बारीक चिरून
आले लसून पेस्ट
गरम मसाला १ चमचा अथवा किचन किंग मसाला १ चमचा
नारळाचे दूध २ ते ३ वाटी. त्यामधे घट्ट नारळाचे दूध अर्धी वाटी हवं.
कुटलेली मिरी १ चमचा
कढीपत्ता २ ते ३ टहाळ्या
तेल, मोहरी, मीठ, लाल अथवा हिरव्या मिरच्या.
क्रमवार पाककृती:
तेल चांगले तापवून त्यामधे कढीपत्त्याची १०-१२ पाने घालून चांगले तळून घ्या. ही पाने बाहेर काढून बाजूला ठेवून द्या.
उरलेल्या तेलामधे मोहरी घाला, ती तडतडली की कांदा घालून चांगले ५ मिनिटे परतून घ्या. मग उरलेला (निम्मा) कढीपत्ता, आलं लसूण पेस्ट घालून परता.
मग त्यावर टोमॅटो घालून परत पाचेक मिनिटे परता.
आता यामधे नारळाचे पातळ दूध घालून ढवळा. (घट्ट दूध आताच घालायचे नाही.) दहा मिनिटे हे चांगलं मीडीयम आचेवर उकळल्यावर त्याम्धे सोललेली अंडी घाला.
एकदा पुन्हा उकळी आल्यावर त्यामधे मीठ, गरम मसाला, उरलेला कढीपत्ता, कुटलेली मिरी घाला.
आता नारळाचं घट्ट दूध घालून मिनिटभर मंद आचेवर शिजवणे.
Egg Curry
ML/ML/PGB
24 July 2024