पंतप्रधानांच्या निवासस्थानावर उडताना दिसले ड्रोन

नवी दिल्ली, दि. ३ (एमएमसी न्यूज नेटवर्क) : पंतप्रधानांच्या निवासस्थानाच्या वर असलेल्या नो फ्लाइंग झोनमध्ये आज सकाळी ड्रोन उडताना दिसल्याने पंतप्रधानांच्या सुरक्षेचा प्रश्न ऐरणीवर आला आहे. पंतप्रधानांच्या निवासस्थानाच्या सुरक्षेचा भंग झाल्याचे एक मोठे प्रकरण समोर आले आहे. दिल्ली पोलीस या प्रकरणाच्या तपासात गुंतले आहेत.लोककल्याण मार्गावरील पंतप्रधान मोदी यांच्या घरावर पहाटे साडेपाच वाजता ड्रोन उडताना दिसले.

पोलिसांनी सांगितले की, सोमवारी सकाळी एक पीसीआर कॉल आला की दिल्लीतील पंतप्रधानांच्या निवासस्थानावर ड्रोनसारखी वस्तू उडत आहे. मात्र, पोलिसांनी तपास केला असता काहीही निष्पन्न झाले नाही. एका वरिष्ठ पोलीस अधिकाऱ्याने सांगितले की, एअर ट्रॅफिक कंट्रोललाही काहीही सापडले नाही.

पंतप्रधान निवास संकुलाचे अधिकृत नाव पंचवटी आहे. हे 4.9 हेक्टर (12 एकर) मध्ये पसरलेले आहे, ज्यात 1980 च्या दशकात लुटियन्स दिल्ली येथे बांधलेले पाच बंगले आहेत. यामध्ये पंतप्रधान कार्यालय, रेसिडेन्सी झोनचा समावेश आहे. पीएम हाऊसची सुरक्षा स्पेशल प्रोटेक्शन गार्ड (SPG) द्वारे केली जाते. 5 बंगले असूनही त्यांना एकत्रितपणे 7, लोककल्याण मार्ग असे म्हणतात. यात पंतप्रधान कार्यालय नाही तर अनौपचारिक बैठकांसाठी खोल्या आहेत.
लोककल्याण मार्ग सर्वसामान्यांसाठी पूर्णपणे बंद आहे. राजीव गांधी हे 1984 मध्ये तत्कालीन 7 रेसकोर्स रोडवर राहणारे पहिले पंतप्रधान होते. पीएम आवासला पूर्वी 7 रेसकोर्स रोड असे संबोधले जात असे. सप्टेंबर 2016 मध्ये रस्त्याचे नामांतर झाल्यानंतर त्याचे नावही 7 लोककल्याण मार्ग झाले.

SL/KA/SL

3 July 2023