राजकीय रंगाने रंगली धुळ्यात धुळवड
धुळे, दि. २४ (एमएमसी न्यूज नेटवर्क) : डोलची च्या फटक्यांची होळी धुळ्यात सुप्रसिद्ध आहे धुळ्यात रंगणारी धुळवड ही होळीच्या दुसऱ्या दिवशी रंगते परंतु धुळ्यात गेल्या काही वर्षापासून पीजी फाउंडेशनच्या वतीने सर्वपक्षीय होळी भगवा चौकात साजरी केली जाते, यात एकमेकांचे राजकीय विरोधक असलेले सर्वजण सहभागी होतात.
धुळ्याचे विद्यमान खासदार भाजपचे डॉक्टर सुभाष भामरे, काँग्रेसचे जिल्हाध्यक्ष श्याम सानेर, भाजपाचे जिल्हाध्यक्ष गजेंद्र अमपळकर ,शिवसेनेचे उद्धव बाळासाहेब ठाकरे गटाचे जिल्हाध्यक्ष अतुल सोनवणे, युवा सेनेचे पंकज गोरे, राष्ट्रवादी काँग्रेस शिवसेना शिंदे गट , लोकसंग्राम चे तेजस गोटे, जोसेफ मलवारी तसेच नगरसेवक , वकील, डॉक्टर, प्रतिष्ठित व्यापारी यासह पत्रकार देखील या सर्वपक्षीय धुळवळीत सहभागी झाले होते. यावेळी आपापले रंग बाजूला ठेवत विकासासाठी एकत्र येण्याचे आवाहन करण्यात आले. आपापले पक्ष तसेच पक्षाचे रंग बाजूला ठेवत मन जुळवून आणणारी ही होळी पीजी फाउंडेशन आयोजित करते. या उपक्रमाचे खासदार डॉक्टर सुभाष भामरे यांनी कौतुक केले.
ML/ML/SL
24 March 2024
