‘दख्खनी राणी’ होणार ९५ वर्षांची, जाणून घ्या तिचा रंजक प्रवास
पुणे, दि. ३१ : मुंबई-पुणे प्रवासाचा ऐतिहासिक आणि प्रतिष्ठेचा दुवा असलेली “डेक्कन क्वीन” एक्सप्रेस उद्या १ जून २०२५ रोजी आपल्या ९६ व्या वर्षात प्रवेश करणार आहे. आपल्या ९५ वर्षांच्या यशस्वी सेवेनंतर, ही ट्रेन अद्याप प्रवाशांच्या मनात अढळ स्थान टिकवून आहे.
१ जून १९३० रोजी मुंबई आणि पुणे यांच्यातील दोन प्रमुख शहरांना जोडण्यासाठी “डेक्कन क्वीन” ची सुरुवात झाली. हे ग्रेट इंडियन पेनिनसुला रेल्वे (GIP Railway) च्या इतिहासातील एक महत्त्वपूर्ण टप्पा होता. या ट्रेनला “डक्कन की रानी” असे सार्थ नाव देण्यात आले. प्रारंभिक रचनेत दोन रेक्स होते, ज्यात ७ डब्बे होते—एक चांदीच्या रंगाचा तर दुसरा निळ्या रंगाचा सोनसळी किनारीसह.
१९६६: ट्रेनच्या कोचेस स्टील बॉडी असलेल्या नवीन कोचेसने बदलण्यात आले.
१९९५: नवीन एअर ब्रेक रेक्स आणण्यात आले.
१५ ऑगस्ट २०२१: विस्टाडोम कोच जोडण्यात आला, ज्यामुळे प्रवाशांना पश्चिम घाटातील निसर्गरम्य दृश्ये पाहण्याची संधी मिळाली.
जून २०२२: ट्रेनमधील सर्व परंपरागत डब्बे LHB (लिंके हॉफमॅन बुश) कोचेसने बदलले गेले.
डेक्कन क्वीनचे प्रथम स्थान मिळवलेले वैशिष्ट्ये
- रोलर बियरिंग वापरणारी पहिली ट्रेन
- स्वत:ची वीज निर्मिती करणारे (Self-generating) कोचेस असलेली पहिली ट्रेन
- डायनिंग कार असलेली भारतातील एकमेव चालू असलेली ट्रेन
अन्य वैशिष्ट्य –
डायनिंग कार
डेक्कन क्वीन ही एकमेव ट्रेन आहे जिच्या आतमध्ये डायनिंग कार आहे. येथे टेबल सर्व्हिस, मायक्रोवेव्ह ओव्हन, डीप फ्रीझर, आणि टोस्टर सारख्या सुविधा आहेत. आरामदायक आसन व्यवस्था आणि आकर्षक सजावटीमुळे हे एक विशेष अनुभव आहे.
एक परंपरा, एक विश्वास
मुंबई आणि पुणे शहरातील प्रवासी “डेक्कन क्वीन” च्या समयबद्ध धावण्याची आणि शिस्तबद्ध वेळेची प्रशंसा करतात. ही ट्रेन केवळ वाहतुकीचे माध्यम नाही तर ती पिढ्यान् पिढ्यांना जोडणारी एक संस्था आहे.
