डी गुकेश बनला कँडिडेटस स्पर्धा जिंकणारा सर्वात तरुण बुद्धिबळपटू
टोरॅन्टो, दि. २२ (एमएमसी न्यूज नेटवर्क) : भारताचा 17 वर्षीय ग्रँडमास्टर डी गुकेशने टोरंटो येथील कँडिडेटस बुद्धिबळ स्पर्धा जिंकून इतिहास रचला. जागतिक विजेतेपदासाठी आव्हान देणारा तो सर्वात तरुण खेळाडू ठरला आहे. आता जागतिक विजेतेपदासाठी त्याचा सामना चीनच्या डिंग लिरेनशी होणार आहे. गुकेशच्या आधी 1984 मध्ये रशियन खेळाडू गॅरी कास्पारोव्हने वयाच्या 22 व्या वर्षी ही स्पर्धा जिंकली होती. गुकेशची जागतिक विजेतेपदासाठी चीनच्या डिंग लिरेनशी लढत होईल. आता या वर्षाच्या अखेरीस जागतिक विजेतेपदासाठी गुकेशचा सामना चीनच्या डिंग लिरेनशी होणार आहे. मात्र, हा सामना कधी आणि कुठे खेळवला जाईल याची घोषणा करण्यात आलेली नाही.
गुकेशने स्पर्धेत 14 पैकी 9 गुण मिळवून विजेतेपदावर कब्जा केला. स्पर्धेतील शेवटच्या सामन्यात त्याने अमेरिकेच्या हिकारू नाकामुराविरुद्ध बरोबरी साधली. त्यामुळे त्याचे गुण 8.5 वरून 9 वर आले. त्याचवेळी फ्रान्सच्या फिरोझा अलिरेझा हिला हरवून त्याने आपले गुण 8.5 पर्यंत वाढवले होते. अलिरेझाच्या पराभवासह, गुकेशने स्पर्धेत नेपोम्नियाची, नाकामुरा आणि अमेरिकेच्या फॅबियानो कारुआना यांच्यावर अर्ध्या गुणांची आघाडी घेतली.
ही स्पर्धा जिंकणारा गुकेश हा दुसरा भारतीय ठरला आहे. त्याच्या आधी पाच वेळा विश्वविजेता विश्वनाथन आनंदने 2014 मध्ये ही स्पर्धा जिंकली होती. तेव्हा ते 45 वर्षांचे होते. विजयानंतर गुकेश म्हणाला, ‘मला खूप आनंद होत आहे. मी तो रोमांचक खेळ पाहत होतो (फॅबियो कारुआना आणि इओन नेपोम्नियाच्ची यांच्यातील), नंतर मी माझ्या सहकाऱ्यासोबत (ग्रिगोरी गजेव्स्की) फिरायला गेलो, मला वाटते की त्याचा फायदा झाला.’
या कामगिरीबद्दल पंतप्रधान नरेंद्र मोदी यांनी गुकेशचे अभिनंदन केले आहे. पंतप्रधानांच्या अधिकृत पोस्टवर लिहिले होते – टोरंटो येथील उमेदवार बुद्धिबळ स्पर्धेत गुकेशचा विजय त्याची प्रतिभा आणि समर्पण दर्शवतो. त्याची कामगिरी लाखो लोकांना प्रेरणा देते.
कँडिडेट्स बुद्धिबळ स्पर्धा जिंकून चेन्नईच्या १७ वर्षीय डी गुकेशने अनुभवी गॅरी कास्पारोव्हचा ४० वर्ष जुना विक्रमही मोडला आहे. गॅरी कास्पारोव्हा हा वयाच्या २२ व्या वर्षी तत्कालीन विश्वविजेत्याला आव्हान देण्यासाठी पात्र ठरला होता.
SL/ML/SL
22 April 2024
