दोन सख्ख्या बहिणींनी दिली वनराज आंदेकरांच्या हत्येची सुपारी
पुण्यात रविवारी (1 सप्टेंबर) माजी नगरसेवक वनराज आंदेकर यांची हत्या झाली. याप्रकरणी चौघांना अटक केली आहे. वर्चस्वाच्या आणि कौटुंबिक वादातून वनराज आंदेकर यांची हत्या करण्यात आली. पुणे पोलिसांनी याप्रकरणी त्यांच्या दोन सख्ख्या बहिणी आणि त्यांच्या मेहुण्यांना अटक केली आहे. वनराज यांची पाच गोळ्या झाडून आणि नंतर कोयत्याने वार करत हत्या झाली. वनराज यांच्या हत्येमागे त्यांच्या कुटुंबियांचाच हात असल्याचे समोर आल्यानंतर पोलिसांनी या प्रकरणाचा अधिक तपास सुरु केला असून इतर आरोपींचा शोध सुरु आहे. भरचौकात हा सगळा प्रकार घडल्याने नागरिकांमध्ये भीतीचे वातावरण निर्माण झालं आहे.
