सीसीआय मार्फत कापूस खरेदीला सुरुवात…
जालना, दि. २२ (एमएमसी न्यूज नेटवर्क) : जालन्याच्या मंठा येथील कृषी उत्पन्न बाजार समितीत (भारतीय कपास निगम) सीसीआयच्या वतीने कापूस खरेदीला सुरुवात करण्यात आली आहे. यावेळी कापसाला 7 हजार 521 रुपये भाव देण्यात आला आहे.
शेतकऱ्यांनी कापूस विक्रीसाठी घेऊन येण्यापूर्वी ऑनलाइन नोंदणी करून घ्यावी, बँकेशी आधारकार्ड आणि आधारकार्डशी मोबाईल नंबर लिंक करून घ्यावा असं आवाहन बाजार समितीच्या वतीने करण्यात आलं आहे. तसेच सातबारावर ऑनलाईन पेरा नोंद केलेला असावा, याच बरोबर नोंदणीसाठी शेतकऱ्यांनी प्रत्यक्ष उपस्थित राहावे, असं कृषी उत्पन्न बाजार समितीच्या वतीने कळविण्यात आलं आहे.
ML/ML/SL
22 Nov. 2024
