ही कंपनी नवी मुंबई आंतरराष्ट्रीय विमानतळावरून करणार व्यावसायिक उड्डाणे
नवी मुंबई, दि. २८ : भारतीय विमानवाहतूक क्षेत्रात नवा टप्पा गाठत Indigo आणि अदानी एअरपोर्ट होल्डिंग्स लिमिटेड यांनी नवी मुंबई आंतरराष्ट्रीय विमानतळावरून (NMIA) व्यावसायिक उड्डाणे सुरू करण्याची घोषणा केली आहे. ही ऐतिहासिक भागीदारी भारताला २०३० पर्यंत जगातील तिसऱ्या क्रमांकाची विमानवाहतूक अर्थव्यवस्था बनवण्याच्या दिशेने महत्त्वाची भूमिका बजावेल.
इंडिगोची भव्य उड्डाण योजना
इंडिगो हे NMIA वरून व्यावसायिक उड्डाणे सुरू करणारे पहिले विमानतळ ठरेल. पहिल्याच दिवसापासून इंडिगो १८ दैनिक उड्डाणे (३६ एटीएम) सुरू करेल, जे १५ हून अधिक शहरांमध्ये जोडणी साधतील. पुढील विस्तारानुसार:
नोव्हेंबर २०२५: उड्डाणांची संख्या ७९ दैनिक उड्डाणे (१५८ एटीएम) होईल, ज्यामध्ये १४ आंतरराष्ट्रीय उड्डाणे असतील.
मार्च २०२६: दैनिक उड्डाणांची संख्या १०० (२०० एटीएम) पर्यंत वाढवली जाईल.
नोव्हेंबर २०२६: ही संख्या १४० दैनिक उड्डाणे (२८० एटीएम) पर्यंत वाढेल, ज्यामध्ये ३० आंतरराष्ट्रीय उड्डाणे असतील.
इंडिगोच्या या निर्णयामुळे भारतातील प्रमुख महानगरांशी नव्या विमानतळाची जोडणी प्रभावीपणे होईल. दिल्ली, बेंगळुरू, हैदराबाद, चेन्नई यांसारख्या शहरांबरोबरच लंडन, दुबई, सिंगापूर आणि बँकॉक यांसारख्या आंतरराष्ट्रीय स्थळांपर्यंतही सहज प्रवास शक्य होईल.
भारताच्या विमानवाहतूक क्षेत्राच्या वाढीला यामुळे मोठी चालना देणार असून, देशांतर्गत आणि आंतरराष्ट्रीय प्रवासी वाहतुकीसाठी नव्या संधी निर्माण करणार आहे. विमानतळाच्या आधुनिक सुविधांमुळे प्रवाशांना अधिक वेगवान, सुरक्षित आणि सोईस्कर प्रवासाचा अनुभव मिळेल.
