चंद्रपूर महाऔष्णिक वीज केंद्राचे दोन संच बंद
चंद्रपूर दि ३०:- चंद्रपूर महाऔष्णिक वीज
केंद्रातील तिसऱ्या व चौथ्या क्रमांकांच्या संचात कोळसा हाताळणी विभागातील गॅन्ट्री तांत्रिक कारणामुळे कोसळल्याची घटना घडली. या अपघातामुळे तिसऱ्या संचातून सध्या वीजनिर्मिती बंद आहे,तर चौथा संच आधीपासूनच वार्षिक देखभाल व दुरुस्तीच्या कामामुळे थांबलेला आहे, अशी माहिती महाऔष्णिक केंद्राने प्रसिद्धी पत्रकाद्वारे दिली आहे. चंद्रपूर महाऔष्णिक विद्युत केंद्र कार्यक्षमता उत्कृष्ट ठेवतानाच सुरक्षिततेकडेही विशेष लक्ष देत आहे. परंतू काही तांत्रिक कारणांमुळे तीन आणि चौथ्या क्रमांकांच्या संचात कोळसा हाताळणी विभागातील गॅन्ट्री खाली पडण्याची घटना घडली. ही घटना घडल्यानंतर महाऔष्णिक वीज केंद्राने दुरुस्तीसाठी पाऊल उचलले. हे काम लवकरच पूर्ण होऊन संच कार्यान्वित केले जातील, अशी माहिती केंद्राच्या उपमुख्य अभियंता (प्रशासन) विभागाने दिली आहे.ML/ML/MS
