मध्य रेल्वेच्या मालवाहतुकीत विक्रमी वाढ ; ७,२१७ कोटींचा महसूल
मुंबई दि.5 (एम एमसी न्यूज नेटवर्क):मध्य रेल्वेने आर्थिक वर्ष २०२४-२५ मध्ये (३१ जानेवारी २०२५ पर्यंत) एकूण ६७.११ दशलक्ष टन मालवाहतूक केली असून, यातून तब्बल ७,२१७.४८ कोटी रुपयांचा महसूल मिळवला आहे. नागपूर आणि मुंबई विभागांनी या वाढीमध्ये मोठे योगदान दिले आहे.
मध्य रेल्वेच्या पाच विभागांपैकी नागपूर विभागाने ३६.८५ दशलक्ष टन मालवाहतूक करत ५५% वाटा उचलला, तर मुंबई विभागाने १९.०४ दशलक्ष टन मालवाहतूक करत २८% योगदान दिले. जानेवारी २०२५ मध्ये मध्य रेल्वेने ७.८३ दशलक्ष टन माल वाहतूक केली, ज्यामध्ये नागपूर विभागाचा ४.४८ दशलक्ष टन (५७%) आणि मुंबई विभागाचा २.१४ दशलक्ष टन (२७%) वाटा आहे.
मध्य रेल्वेने विविध मालवर्गांमध्ये महत्त्वपूर्ण वाढ नोंदवली आहे:
साखर लोडिंग: जानेवारी २०२५ मध्ये ६२ रेक लोड झाले, जो जानेवारी २०२४ च्या तुलनेत २४% वाढ आहे. पुणे विभागाने विशेषतः १०२% वाढ साधली.
कंटेनर लोडिंग: १५.७% वाढीसह ८४७ रेक लोड.
पेट्रोलियम उत्पादने: १०.१% वाढीसह २१९ रेक लोड.
डि-ऑइल केक: १०.५% वाढीसह २१ रेक लोड.
जेएनपीटी टर्मिनस लोडिंग: १४.३% वाढीसह ६३१ रेक लोड.
*मालवाहतूक महसूलात वाढ *
नागपूर विभागाने ३,८४९.६७ कोटी रुपयांचा महसूल (५३%) मिळवला.
मुंबई विभागाने २,०७६.५५ कोटी रुपयांचे योगदान दिले (२९%).
जानेवारी २०२५ मध्ये मालवाहतुकीतून मिळणारा महसूल ८००.०७ कोटी रुपये होता, यात नागपूर विभागाचा ४४५.०७ कोटी (५६%) आणि मुंबई विभागाचा २२१.६३ कोटी (२८%) वाटा आहे.
वसई रोड येथे दररोजच्या गाड्यांच्या इंटरचेंजमध्येही सुधारणा झाली असून, जानेवारी २०२५ मध्ये दररोज ५६.३ गाड्यांची इंटरचेंज झाली, जी मागील वर्षी ४९.३ होती.
मध्य रेल्वे आपल्या व्यवसाय विकास उपक्रमांमधून सातत्याने लोडिंग आणि महसूल वाढवण्याच्या दिशेने प्रयत्नशील आहे.
