उद्या भारत बंदची हाक, 25 कोटी कामगार उतरणार रस्त्यावर
मुंबईो, दि. ८ : केंद्र सरकारची मजूर, कामगारविरोधी धोरणं, शेतकऱ्यांच्या विरोधातील आणि कॉर्पोरेट धार्जिणी धोरणं याविरोधात उद्या भारत बंदची हाक देण्यात आलेली आहे. सरकारकडून आर्थिक आणि कामगार कायद्यांमध्ये सुधारणा करण्याच्या प्रयत्नात आहे. त्यामुळे मजुरांचं अधिकार आणखी मर्यादित होतील. व्यापार करण्याची प्रक्रिया सुलभ करण्याच्या नावाखाली सरकार सर्वसामान्यांना नाडत असल्याचा आरोप संघटनांचा आहे. देशातील १० केंद्रीय कामगार संघटनांनी भारत बंदची हाक दिलेली आहे. उद्या भारत बंदची घोषणा करण्यात आलेली आहे. कामगार आणि शेतकरी संघटना भारत बंदमध्ये सहभागी होणार आहेत. उद्या होणाऱ्या बंदमध्ये देशभरातील २५ कोटी कामगारांचा सहभाग असेल. बँकिंग, खाणकाम, पोस्टल सर्व्हिस, बांधकाम यांच्यासह विविध क्षेत्रातील कामगार बंदमध्ये सहभागी होणार आहेत. २५ कोटी कामगार बंदमध्ये सहभागी होणार असल्यानं देशातील महत्त्वाच्या सेवांवर परिणाम होण्याची शक्यता आहे.
या संघटना पुकारणार बंद
अखिल भारतीय ट्रेड यूनियन काँग्रेस, भारतीय राष्ट्रीय ट्रेड यूनियन काँग्रेस, भारतीय ट्रेड यूनियनचे केंद्र, हिंदू मजदूर सभा, स्वनियोजित महिला संघ, लेबर प्रोग्रेसिव्ह फेडरेशन, युनायटेड ट्रेड यूनियन काँग्रेस
या सेवा राहणार बंद
बँकिग, विमा कंपन्यांच्या सेवा, पोस्ट ऑफिस, कोळसा खाणींचं काम, राज्य वाहतूक सेवा (सरकारी बस), महामार्ग आणि रस्ते बांधकाम, सरकारी कारखाने आणि कंपन्यांचं उत्पादन
केंद्र सरकार कामगार, शेतकरी विरोधी धोरणं राबवत असल्याचा आरोप संघटनांनी केला आहे. सरकारी धोरणांचा लाभ केवळ उद्योगपती आणि त्यांच्या व्यवसायांनाच होत असल्याचा संघटनांचा दावा आहे.
SL/ML/SL
