‘Border 2’ लवकरच प्रेक्षकांच्या भेटीला
मुंबई, दि. ५ : बॉर्डर 2 चित्रपटाची धमाकेदार सुरुवात झाली आहे! १९९७ च्या कल्ट क्लासिक बॉर्डर मधील अमर देशभक्तीपर गीत “संदेसे आते है” आता नव्या रूपात परतले आहे. या गाण्याचे आधुनिक रूपांतर “घर कब आओगे” नुकतेच प्रदर्शित झाले असून, प्रेक्षक पुन्हा एकदा भावनांच्या लाटेत हरवले आहेत. सनी देओल पुन्हा एकदा या सिक्वेलमध्ये मुख्य भूमिकेत दिसणार आहेत.या वेळी वरुण धवन, दिलजीत दोसांझ यांसारखे नवे चेहरेही चित्रपटात सहभागी झाले आहेत, ज्यामुळे जुन्या आठवणींना नवा जोश मिळणार आहे. चित्रपटाचे दिग्दर्शन पुन्हा एकदा जेपी दत्ता यांच्या टीमकडून होत असून, हा चित्रपट २३ जानेवारी २०२६ ला प्रदर्शित होणार आहे.
“संदेसे आते है” हे गीत जावेद अख्तर यांनी लिहिले होते, ज्यासाठी त्यांना 1998 मध्ये राष्ट्रीय पुरस्काराने सन्मानित करण्यात आले होते. सोनू निगम आणि रूपकुमार राठोड यांनी गायलेले “संदेसे आते है” हे गीत आजही देशभक्तीचे प्रतीक मानले जाते. आता या गाण्याला मिथून यांनी नव्या सुरावटीत साकारले असून, सोनू निगम, अरिजित सिंह, दिलजीत दोसांझ, विषाल मिश्रा आणि रूपकुमार राठोड यांनी आपले स्वर दिले आहेत. गाण्याचे बोल मनोज मुंतशीर यांनी नव्याने लिहिले आहेत, ज्यामुळे जुन्या आठवणींना आधुनिक स्पर्श मिळतो.
हे गाणे जैसलमेरच्या लोंगेवाला-तानोट बॉर्डर सेक्टरमध्ये BSF च्या उपस्थितीत भव्य सोहळ्यात लाँच करण्यात आले, ज्यामुळे त्याला अधिक भावनिक आणि ऐतिहासिक महत्त्व प्राप्त झाले. बॉर्डर 2 हा चित्रपट भारतीय सिनेमातील सर्वात मोठ्या युद्धपटांपैकी एक ठरण्याची शक्यता आहे. “घर कब आओगे” या गाण्याने चित्रपटाच्या प्रचाराला जोरदार सुरुवात झाली असून, आता चाहत्यांना चित्रपटाच्या ट्रेलर आणि रिलीज डेटची आतुरतेने वाट पाहावी लागणार आहे.
SL/ML/SL
