जपानच्या पंतप्रधानांवर बाँम्ब हल्ला
वाकायामा, दि. १५ (एमएमसी न्यूज नेटवर्क) : जपानच्या पंतप्रधानांवर वाकायामा या शहरात जीवघेणा हल्ला करण्यात आला. या बॉम्ब हल्ल्यात ते थोडक्यात बचावले आहेत. लोकसभा पोटनिवडणुकीच्या प्रचारासाठी ते आले होते. पंतप्रधान फुमियो किशिदा भाषण देत असताना स्मोक बॉम्ब हल्ला झाला.
पंतप्रधान फुमियो किशिदा भाषणाला सुरुवात करण्यापूर्वी हा भीषण बॉम्बस्फोट झाला आणि एकच खळबळ उडाली. पोलिसांनी हल्लेखोरांनी ताब्यात घेतले आहे.
या बॉम्बहल्ल्याचा एक व्हिडीओ देखील प्रसिद्ध करण्यात आला आहे. बॉम्बस्फोट झाल्यांनतर मोठी खळबळ उडाली. स्फोटानंतर नागरिक सुरक्षित जागा शोधण्यासाठी धावत होते.
जपानचे पंतप्रधान सत्ताधारी लिबरल डेमोक्रॅटिक पक्षाच्या एका उमेदवारासोबत भाषण देणार होते. पण त्या अगोदर ही भीषण घटना घडली. या घटनेचे व्हिडीओ समोर येत आहे. दुसऱ्या समोर आलेल्या व्हिडीओमध्ये घटनास्थळी भाषणादरम्यानचे नागरिक फोटो आणि व्हिडिओ बनवत होते. दरम्यान एक मोठा स्फोट झाला. स्फोटानंतर लोकांमध्ये गोंधळ उडाला.
SL/KA/SL
15 April 2023
