राज ठाकरे यांच्यावर येणार बायोपिक? शूटिंगचे फोटो व्हायरल
महाराष्ट्राच्या राजकारणामध्ये आपले वेगळे स्थान निर्माण करणारे महाराष्ट्र नवनिर्माण सेनेचे अध्यक्ष राज ठाकरे यांचा जीवन प्रवास लवकरच आपल्याला रुपेरी पडद्यावर पाहायला मिळणार आहे. त्यांच्या बायोपिकच्या शूटिंगलाही सुरूवात झाल्याचे सांगितले जात आहे. सध्या सोशल मीडियावर या शूटिंगचे फोटो व्हायरल होतो आहे. या फोटोत अभिनेत्री तेजस्विनी पंडित पाहायला मिळत आहे. आतापर्यंत अनेक कलाकार, खेळाडू, राजकीय नेत्यांच्या जीवनावर आधारीत सिनेमे बनले आहेत. त्या चित्रपटांना चांगला प्रतिसादही मिळाला आहे. आता राज ठाकरे यांच्या चित्रपटात नेमके काय बघायला मिळणार याविषयी उत्सुकता निर्माण झाली आहे.
