या बॅंकेने सुरू केली देशातील पहिली बायोमेट्रिक पेमेंट सिस्टीम
मुंबई, दि.२६ : फेडरल बँकेने देशात प्रथमच ई-कॉमर्स कार्ड व्यवहारांसाठी बायोमेट्रिक प्रमाणीकरण सुविधा सुरू केली आहे. या नवीन तंत्रज्ञानामुळे ग्राहक आता वन-टाइम पासवर्ड (OTP) शिवाय फक्त त्यांच्या फिंगरप्रिंट किंवा फेस आयडी वापरून ऑनलाइन खरेदीसाठी पेमेंट करू शकतात. हे वैशिष्ट्य केवळ व्यवहार जलद आणि सोपे करत नाही तर सुरक्षितता देखील वाढवते. फेडरल बँकेने हे फिनटेक कंपन्या M2P आणि MinkasuPay यांच्या सहकार्याने सादर केले आहे. बँकेने असा दावा केला आहे की ही तंत्रज्ञान रिझर्व्ह बँक ऑफ इंडिया (RBI) च्या द्वि-घटक प्रमाणीकरण नियमांचे पूर्णपणे पालन करते आणि वापरकर्त्यांना पेमेंट करणे सोपे करते.
आत्ता प्रचलित पद्धतीनुसार online Payment करतानासाठी वापरकर्त्यांना OTP वापरावा लागतो, हा आपल्या मोबाईलवर एसएमएसद्वारे येतो. मात्र, तांत्रिक समस्यांमुळे कधीकधी ओटीपी प्रक्रिया उशिरा होत असे किंवा वापरकर्त्यांपर्यंत पोहोचू शकत नव्हते. यामुळे अनेक वेळा असे घडते की वापरकर्ते पेमेंट करू शकत नाहीत.फेडरल बँकेच्या नवीन बायोमेट्रिक प्रमाणीकरण सुविधेमुळे ही समस्या दूर होते. आता वापरकर्त्यांना त्यांच्या स्मार्टफोनवर फक्त फिंगरप्रिंट किंवा फेस आयडी वापरावा लागेल. ही प्रक्रिया इतकी जलद आहे की पेमेंट करण्यासाठी फक्त ३ ते ४ सेकंद लागतात.
SL/ML/SL
