आवडीसाठी काय पण! भिंतीवर टेपने चिकटवलेले एक केळे विकत घेण्यासाठी पठ्ठ्याने मोजले इतके पैसे!
एक केळं विकत घेण्यासाठी किती रूपये लागतात? डझनभर केळी फारतर ६० रूपयांपर्यंत मिळतात. पण एका केळ्यासाठी कोटी रूपये मोजले गेल्याचं तुम्ही कधी ऐकलं आहेत का? क्रिप्टो उद्योगपती जस्टिन सन यांनी फक्त एका केळीसाठी तब्बल 52 कोटी रुपये मोजले आहेत. होय, हे खरं आहे. तुम्ही अगदी बरोबर वाचलंत. खरं तर, हे केळ एक आर्टवर्क आहे. या आर्टवर्कने कलाकाराला मालामाल केले आहे. हे भिंतीवर टेपने चिकटवलेले केळ आहे. हे डक्ट-टेप असलेले केळ मौरिजियो कॅटेलनचे आर्टवर्क ‘कॉमेडियन’ आहे. ही एक प्रसिद्ध कलाकृती असून न्यूयॉर्कच्या लिलावात या केळाची किंमत 5.2 मिलियन अमेरिकन डॉलर होती. शेवटी या केळाची 6.2 मिलियन डॉलर्स म्हणजेच भारतीय चलनानुसार 52.35 कोटी रुपयांमध्ये विक्री झाली. जस्टिन याने हे विकत घेतले आहे.
