भूटान: एक स्वर्गीय प्रवासाचा अनुभव

मुंबई, दि. 23 (एमएमसी न्यूज नेटवर्क) :

भूटान, हिमालयाच्या कुशीत विसावलेला एक छोटासा देश, जिथे सौंदर्य, शांतता आणि अध्यात्मिकता यांचा अनोखा संगम पाहायला मिळतो. “थंडर ड्रॅगनचा देश” म्हणून प्रसिद्ध असलेला भूटान हा प्रवासासाठी योग्य स्थळ आहे. निसर्गाच्या कुशीत विसावलेल्या या देशात वेगवेगळ्या संस्कृती, हिरवाई, पर्वतराजी आणि प्राचीन बौद्ध मठांचे दर्शन होते.

भूतानची खास वैशिष्ट्ये

भूटान हे फक्त निसर्गप्रेमींना नाही तर आध्यात्मिक शांती शोधणाऱ्या पर्यटकांसाठीही आदर्श ठिकाण आहे. येथे पर्यटनाची सुरुवात थिंपू या राजधानी शहरापासून केली जाते. शहरातील ताशिचो द्झोंग हा भव्य बौद्ध मठ, नेशनल मेमोरियल चोर्टेन, आणि बुद्ध डोर्डेनमा या स्थळांना भेट देणे महत्त्वाचे आहे.

पारो हे भूतानमधील आणखी एक महत्त्वाचे शहर आहे. येथे असलेला पारो टायगर नेस्ट मठ (ताक्तसांग मठ) हा पर्वतावर वसलेला आणि आश्चर्यकारक दृष्टी देणारा मठ आहे. या मठापर्यंत पोहोचण्यासाठी लागणारी ट्रेकिंग तुमच्यासाठी एक संस्मरणीय अनुभव असेल.

ML/ML/PGB 23 Jan 2025