भारतात कर चुकवेगिरी केल्याची BBC ची कबुली

नवी दिल्ली, दि. ६ (एमएमसी न्यूज नेटवर्क) : फेब्रुवारी महिन्यात BBC च्या मुंबई आणि दिल्ली येथील कार्यालायांवर प्राप्तिकर कार्यालयाने धाडी टाकल्या होत्या. त्यावेळी विरोधी पक्षाने हल्लाबोल करत BBC ने गुजरात दंगलीवर डॉक्युमेंटरी काढल्याने केंद्र सरकार सुडबुद्धीने कारवाई करत आहे, असे आरोप केले होते. पण आता BBC स्वतःच CBDT पत्र लिहून आपल्याकडून करचुकवेगिरी झाल्याचे मान्य केल्याने विरोधकांचे हे दावे फोल ठरले आहेत. बीबीसीने कबूल केले आहे की त्यांनी आपल्या दायित्वापेक्षा कमी कर भरला असावा. ब्रॉडकास्टरने सुधारित रिटर्न भरून आणि सर्व देय, दंड आणि व्याज भरून पालन करण्यासाठी औपचारिक मार्ग स्वीकारणे आवश्यक आहे.

CBDT अधिकार्‍यांनी सांगितले की, कायदा देशातील प्रत्येकासाठी समान आहे आणि मीडिया कंपनी किंवा परदेशी संस्था यांच्यासाठी कोणतीही विशेष व्यवस्था नाही.”बीबीसीने नमूद केलेल्या प्रक्रियेनुसार वागले पाहिजे किंवा कायद्याला सामोरे जावे. प्रकरण तार्किक निष्कर्षापर्यंत पोहोचेपर्यंत विभाग त्याच्याविरुद्ध कारवाई करत राहील,” असे एका अधिकाऱ्याने सांगितले.

कर विभागाच्या अधिकार्‍याने सांगितले की बीबीसीने आयटी गुप्तचरांची कारवाई केंद्र सरकारचा सूड आहे असा आभास निर्माण करण्याचा प्रयत्न केला परंतु आता त्यांनी अनौपचारिकपणे हे मान्य केले आहे की, “ते जाणूनबुजून कर चुकवेगिरीत गुंतले होते आणि ही कारवाई त्यांच्या बेईमान वागणुकीविरुद्ध होती.”

SL/KA/SL

6 June 2023