प्रसिद्ध विमान कंपनीला मोठा ताेटा, गुंतवणूकदारांची पिछेहाट

मुंबई, दि. २६ ( एमएमसी न्यूज नेटवर्क) : प्रसिद्ध एअरलाइन इंडिगोने चालू आर्थिक वर्षाच्या सप्टेंबर तिमाहीचे निकाल जाहीर केले आहेत. या तिमाहीत विमान कंपनीला 986.7 कोटी रुपयांचा तोटा झाला आहे. गेल्या आर्थिक वर्षाच्या याच तिमाहीत कंपनीला 188.9 कोटी रुपयांचा नफा झाला होता. ग्राउंडेड विमाने आणि इंधनाच्या चढ्या किमतींमुळे कंपनीचे नुकसान झाल्याचे कंपनीने म्हटले आहे. सप्टेंबर तिमाहीत कंपनीचा इंधन खर्च 12.8 टक्क्यांनी वाढून 6,605 कोटी रुपये झाला आहे. कंपनीचा ताेटा वाढल्याने गुंतवणूकदारांकडून शेअर्सची माेठी विक्री झाली. त्यामुळे शेअर्स काेसळला.

इंडिगोचा शेअर्स शुक्रवारी 3.23 टक्के घसरून 4,373.70 रुपयांवर बंद झाला. शेअर्स 143 रुपयांनी काेसळला. एकेकाळी कंपनीचा शेअर्स 5,033.20 रुपयांवर गेला हाेता. हा शेअर्सचा 52 आठवड्यांचा उच्चांक आहे.

इंडिगोचे मुख्य कार्यकारी अधिकारी (सीईओ) पीटर एल्बर्स म्हणाले की, एअरलाइनची वाढ आणि विस्तार सुरूच आहे आणि सप्टेंबर तिमाहीत तिचा महसूल 14.6 टक्क्यांनी वाढून 17,800 कोटी रुपये झाला आहे. दुसऱ्या तिमाहीत ग्राउंड केलेले विमान आणि इंधन खर्चाशी संबंधित हेडविंड्समुळे परिणामांवर आणखी परिणाम झाला. ग्राउंड केलेल्या विमानांची संख्या आणि संबंधित खर्च कमी होऊ लागल्याने आम्ही एक नवीन वळण घेतले आहे. इंडिगोकडे एकूण 39,341 कोटी रुपयांची रोकड होती, ज्यामध्ये 24,359 कोटी रुपयांची रोख आणि 14,982 कोटी रुपयांची व्यवस्थापित रोख समाविष्ट आहे

SL/ ML/ SL

26 October 2024