अनुदानित शाळांना अधिक 20 टक्के अनुदान टप्पा मंजूर
मुंबई, दि. 10 (एमएमसी न्यूज नेटवर्क) :सध्या टप्पा अनुदान घेत असलेल्या शासन मान्य खाजगी अंशत: अनुदानित शाळांना 20 टक्के अनुदानाचा वाढीव टप्पा निधीसह मंजूर करण्याचा निर्णय घेण्यात आला आहे. निकषांची पूर्तता केलेल्या 820 प्राथमिक शाळा, 3513 वर्ग/ तुकड्या आणि त्यावरील 8602 शिक्षक/शिक्षकेतर कर्मचारी यांना या निर्णयाचा फायदा होणार आहे.
यानुसार 1984 माध्यमिक शाळा, 2380 वर्ग/तुकड्या तसेच त्यावरील 24028 शिक्षक/शिक्षकेतर कर्मचारी, 3040 उच्च माध्यमिक शाळा/कनिष्ठ महाविद्यालय, 3043 वर्ग/तुकड्या/ अतिरिक्त शाखा तथा त्यावरील 16932 शिक्षक/शिक्षकेतर कर्मचारी, ( एकूण 5844 शाळा, 8936 वर्ग/तुकड्या/अति.शाखा आणि त्यावरील एकूण 49562 शिक्षक/ शिक्षकेतर कर्मचारी) अनुदानाच्या विविध टप्पावर वेतन अनुदान घेत आहेत. त्यांना 20 टक्के अनुदानाचा पुढील टप्पा अनुज्ञेय करण्यात आला.
ML/ML/PGB 10 Oct 2024
