48 विद्यार्थ्यांना घेऊन जाणाऱ्या बसला अपघात
मुंबई,दि. 12 (एमएमसी न्यूज नेटवर्क) : चेंबुर येथील मयांक कोचिंग क्लासेसमधील दहावीच्या वर्गातील 48 विद्यार्थ्यांना घेऊन जाणाऱ्या बस ला लोणावळा नजिक अपघात झाला आहे. यामध्ये बसमधील एक मुलगा आणि मुलगी यांच्या मृत्यू झाला आहे.
लक्झरी बस क्रमांक MH 04) GP 2204 ही बस लोणावळा येथून चेंबूरच्या दिशेने जात होती. विद्यार्थ्यांसोबत कोचिंग क्लासचे दोन शिक्षक देखील होते. सदर बस ही जुन्या मुंबई पुणे हायवेने येत असताना घाट उतरताना रात्री सुमारे 8.00 वाजता दरम्यान मॅजिक पॉईंट जवळ डाव्या बाजूला पलटी झाल्यामुळे अपघात होऊन सदर अपघातामध्ये जवळपास सर्व विद्यार्थी जखमी झालेले आहेत.
जखमी विद्यार्थ्यांना लोणावळा, खोपोली व आजूबाजूच्या परिसरातील विविध रुग्णालयांमध्ये दाखल करण्यात आले आहे. एक मुलगा व एक मुलगीचा द्र्दैवी मृत्यु झाला आहे.
बस हायड्राच्या साह्याने बाजूला घेण्यात आली असून वाहतूक सुरळीत करण्यात आलेली आहे.
SW/KA/SL
12 Dec. 2022
