अक्षय कुमारने परेश रावलांवर दाखल केला 25 कोटींचा दावा
मुंबई, दि. २० : बॉलिवूड अभिनेता अक्षय कुमारने परेश रावल यांच्यावर २५ कोटी रुपयांचा दावा दाखल केला आहे. हा वाद ‘हेरा फेरी ३’ चित्रपटाच्या संदर्भात आहे, ज्याचे चित्रीकरण परेश रावल यांनी अचानक सोडल्याचा आरोप आहे. अक्षय कुमारच्या ‘केप ऑफ गुड फिल्म्स’ प्रॉडक्शन हाऊसने परेश रावल यांना कायदेशीर नोटीस पाठवली आहे, ज्यामध्ये चित्रपटाचे शूटिंग अर्ध्यावर सोडल्यामुळे व्यावसायिक नुकसान झाल्याचा दावा करण्यात आला आहे.
परेश रावल यांनी १८ मे २०२५ रोजी एक्सवर पोस्ट शेअर करत स्पष्ट केले की, त्यांनी चित्रपट सोडण्याचा निर्णय सर्जनशील मतभेदांमुळे घेतलेला नाही. मात्र, काही अहवालांनुसार, परेश रावल यांना त्यांच्या नेहमीच्या मानधनापेक्षा तिप्पट जास्त मानधन देण्यात आले होते, तरीही त्यांनी चित्रपटातून माघार घेतली.
