Apple कंपनी आणत्ये सर्वात स्वस्त AI iPhone

मुंबई, दि. २६ (एमएमसी न्यूज नेटवर्क) : आयफोन वापरणे स्टेटस आणि फॅशन चे द्योतक मानलं जातं आहे.मात्र आयफोनची किंमत ही इतर फोनच्या तुलनेत जास्त असते. त्यामुळे तो सगळ्यांच्याच खिशाला परवडेल असं नसतं. या दरम्यान आता कंपनीने त्यांना नवीन फोन iPhone SE 4 बाजारात आणण्याची तयारी केली आहे.

मिडिया रिपोर्टनुसार, या फोनमध्ये Apple Intelligence नावाचे फीचर असू शकते. नुकतेच कंपनीने iPhone 16 सीरीज लाँच केली आहे. त्यानंतर आता Apple कंपनी iPhone SE 4 यशस्वी करू इच्छित आहे. या फोनला चांगले यश मिळावे म्हणून तीन गोष्टी लक्षात घेतल्या जातील. याआधीच्या iPhone SE 3 ची डिझाईन जुनी होती, मात्र या नवीन फोनची रचना नवीन असेल.रिपोर्ट्सनुसार, Apple चा नवीन फोन iPhone SE 4 हा iPhone 14 आणि iPhone 15 सारखा दिसेल. पण यात फक्त एकच कॅमेरा असेल आणि हा फोन 50,000 रुपयांपेक्षा कमी किमतीत उपलब्ध होऊ शकतो. जर हा फोन iPhone 14 किंवा iPhone 15 सारखा दिसत असेल तर अनेकांना तो विकत घ्यावासा वाटेल.

Apple ने iPhone 15 च्या रेग्युलर मॉडेलमध्ये AI फीचर दिलेले नाहीत. हे फीचर्स फक्त iPhone 15 Pro आणि iPhone 16 सीरीजमध्ये उपलब्ध असतील. त्यामुळे, या वैशिष्ट्यांसह फोन खूप महाग असू शकतात, कारण त्यांची किंमत 79,900 रुपयांपासून सुरू होते. जर Apple ने 50,000 रुपयांपेक्षा कमी किंमतीचा आणि AI फीचर्स असलेला फोन आणला तर त्याला बाजारात मोठी मागणी येऊ शकते.

SL/ ML/ SL

26 Sept 2024