वर्षभर टिकणारं कैरीचं लोणचं बनवायची पारंपरिक पद्धत
मुंबई, दि. 3 (एमएमसी न्यूज नेटवर्क) :
एक डझन मध्यम आकाराच्या कैर्या
पाव किलो जाडे मिठ
१०० ग्रॅम मोहरीची डाळ
लाल तिखट ८ चमचे
४ चमचे हळद
२ चमचे मेथी
१० ग्रॅम हिंग
पाव किलो तेल
आंब्याच्या तुम्हाला आवडतात त्या आकाराच्या फोडी करुन घ्या. त्या फोडींना थोडी हळद व थोडे मिठ चोळुन ४-५ तास कडकडीत उन्हात वाळवा.
दुपारी फोडी वाळवत टाकुन संध्याकाळी लोणच घातल तरी चालेल.
जाडे मिठ पाट्यावर किंवा मिक्सरवर जाडसर वाटुन घ्या. नंतर वाटलेले मिठ तव्यावर किंवा कढईत चांगले भाजुन घ्या.
कढईत २-३ चमचे तेल घेउन त्यावर मेथी परतवा.
मेथी काढुन थंड करत ठेवा व त्याच कढईत मेथी परतवुन राहिलेल्या तेलात हिंग, हळद व लाल तिखट मिडीयम गॅसवर ४-५ मिनिटे परतवा.
मेथी थंड झाली की ती वाटून घ्या.
आता आंब्याच्या फोडींवर मेथीचा गर, मिठ, हिंग, हळद, लाल तिखट घालुन एकजीव करा.
आता उरलेले सगळे तेल गरम करा. फोडणी देण्याइतपत गरम झाले की गॅस बंद करा १० मिनीटांनी त्यात मोहरीची डाळ परतवा. लगेच टाकु नका नाहीतर मोहरीची डाळ करपेल.
आता राईची डाळ टाकलेले तेल पुर्ण गार झाले की ते आंब्यांच्या फोडींच्या मिश्रणात ओता व पुन्हा एकजीव करुन काचेच्या बरणीत दाबुन दाबुन भरा.
जर फोडी तेलात बुडाल्या नाहीत तर काही दिवसांत त्यांना बुरशी येते.
लोणच्याच्या बरणीचे झाकण घट्ट बंद करा व ८-१० दिवसांनी लोणचे वापरण्यास काढा.
PGB/KA/PGB
3 Oct 2024
