राणीच्या बागेत होणार अत्याधुनिक मत्स्यालय
मुंबई, दि. १० : भायखळा येथील वीरमाता जिजाबाई भोसले उद्यान व प्राणिसंग्रहालयात अत्याधुनिक मत्स्यालय उभारण्यात येणार आहे. सप्टेंबर महिन्यात या कामाला सुरुवात होणार असून, त्याचवेळी लोकप्रिय पेंग्विन प्रदर्शनाचा विस्तार करण्याचे नियोजन आहे. दोन्ही प्रकल्प १२ महिन्यांत पूर्ण होण्याची अपेक्षा आहे. करांसह या प्रकल्पाचा अंदाजित खर्च ६५ कोटी रुपये आहे.
जून २०२२ मध्ये बीएमसीने बायसळा प्राणिसंग्रहालयात आंतर-राष्ट्रीय दर्जाचे मत्स्यालय उभारण्याची घोषणा केली होती. मात्र, त्यावेळचे पर्यटन मंत्री आदित्य ठाकरे यांनी वर्ली येथे भव्य मत्स्यालयाचे प्रस्तावित आराखडे सादर केल्यानंतर हा प्रकल्प रद्द करण्यात आला. नंतर राज्य सरकार बदलल्यानंतर वर्ली प्रकल्पही थंडबस्त्यात गेला आणि बीएमसीने फेब्रुवारी २०२४ मध्ये प्राणिसंग्रहा लयातील मूळ जलगृह योजना पुन्हा राबवण्याचा आणि पेंग्विनच्या वासस्थानी २१ पक्ष्यांसाठी विस्तार करण्याचा निर्णय घेतला. मागील वर्षी समाजवादी पक्षाचे आमदार रहीस शेख यांनी प्रकल्पाच्या पारदर्शकतेबाबत प्रश्न उपस्थित केल्यानंतर प्रस्ताव पुन्हा चर्चेत आला.
अनेक विलंबानंतर बीएमसीने अलीकडेच कंत्राटदाराला ‘लेटर ऑफ ॲक्सेप्टन्स’ (LOA) जारी केले असून, सध्या कागदप-त्रांची पडताळणी सुरू आहे. नैसर्गिक अनुभव देण्यासाठी येथे सागरी जीवनाशी साधर्म्य असणारे घटक, जसे की दगड, असतील. पॉप-अप विंडोमुळे मुलांना मासे जवळून पाहता येतील. मत्स्यालयात चार चौरस, पाच गोल आणि दोन अर्धगोल आकाराचे टँक असतील ज्यात ४६ विविध सागरी प्रजातींचा समावेश असेल.
SL/ML/SL
