भाजपाशी हातमिळवणी करून निवडणूक आयोगाची प्रक्रियाच उध्वस्त करण्याची योजना
काँग्रेस नेते राहुल गांधी यांनी आज पत्रकार परिषदेत निवडणूक आयोगाने भाजपाशी हातमिळवणी केल्याचा गंभीर आरोप करत जोरदार टिका केली. मतदार यादीतील अनियमिततेवर १ तास ११ मिनिटे २२ पानांचे सादरीकरण दिले. राहुल गांधी यांनी कर्नाटकची मतदार यादी स्क्रीनवर दाखवली आणि सांगितले की, मतदार यादीत संशयास्पद मतदार आहेत. राहुल म्हणाले की, लाखो कागदपत्रांची मॅन्युअली तपासणी करून आम्ही हे पुरावे गोळा केले आहेत. जर हे कागदपत्रे एका बंडलमध्ये ठेवली तर ते ७ फूट उंच असतील. पुरावे गोळा करण्यासाठी सुमारे ६ महिने लागले. निवडणूक आयोगाने जाणूनबुजून आम्हाला नॉन-मशीन रीडेबल पेपर्स पुरवल्यामुळे हे घडले. जेणेकरून हे मशीनद्वारे स्कॅन केले जाऊ शकत नाहीत.
राहुल पुढे म्हणाले की, महाराष्ट्राचे निकाल पाहिल्यानंतर निवडणूक चोरीला गेल्याचा आमचा संशय निश्चित झाला. मशीन रीडेबल मतदार यादी न देऊन, निवडणूक आयोगाने भाजपशी संगनमत करून महाराष्ट्र निवडणूक चोरली आहे याची आम्हाला खात्री पटली. आम्ही येथे मत चोरीचे एक मॉडेल सादर केले, मला वाटते की हे मॉडेल देशातील अनेक लोकसभा आणि विधानसभेत वापरले गेले होते. कर्नाटकमध्ये वेगवेगळ्या बूथच्या मतदार यादीत एकाच व्यक्तीचे नाव आहे. अनेक ठिकाणी यादीतील लोकांचे फोटो नाहीत. त्याच वेळी, अनेक ठिकाणी बनावट पत्ते लिहिले गेले आहेत.
कर्नाटकातील महादेवपुरा विधानसभा मतदारसंघाची मतदार यादी स्क्रीनवर दाखवत राहुल म्हणाले की, येथील ६.५ लाख मतांपैकी १ लाख मते चोरीला गेली आहेत. काँग्रेसच्या संशोधनात सुमारे एक लाख चुकीचे पत्ते आणि त्याच पत्त्यावर मोठ्या प्रमाणात मतदार आणि डुप्लिकेट मतदार असल्याचे उघड झाले.
कर्नाटकात, आम्ही १६ जागा जिंकल्या असत्या, पण आम्ही फक्त ९ जागा जिंकल्या. आम्ही या सात गमावलेल्या जागांपैकी एकाची चौकशी केली, ती जागा बंगळुरू सेंट्रल होती. या जागेवर काँग्रेसला ६,२६,२०८ मते मिळाली.
भाजपला ६,५८,९१५ मते मिळाली. दोन्ही पक्षांच्या मतांमधील फरक फक्त ३२,७०७ होता. महादेवपुरा विधानसभा जागेवर मतदान झाले तेव्हा दोन्ही पक्षांमधील मतांमधील फरक १,१४,०४६ होता. राहुल म्हणाले- जर आपण या पद्धतीने पाहिले तर १ लाखाहून अधिक मते चोरीला गेली. ही मतांची चोरी पाच प्रकारे झाली.
SL/ML/SL
