सोलापूरातील आठवीच्या विद्यार्थ्याने डोक्यात गोळी झाडून केली आत्महत्या
सोलापूर, दि. २७ (एमएमसी न्यूज नेटवर्क) : देशभरातील शालेय आणि अल्पवनीय मुलांमध्ये सध्या नैराश्य आणि ताणतणावामुळे आत्महत्याचे प्रमाण वाढत आहे.अशीच एक भीषण घटना सोलापूरात घडली आहे. आठवीत शिकणाऱ्या विद्यार्थ्यानं डोक्यात गोळी घालून आपलं आयुष्य संपवलं आहे. सोलापूरच्या माढ्यातील आढेगावमध्ये ही घटना घडली आहे. श्रीधर गणेश नष्टे असं आत्महत्या केलेल्या या 14 वर्षांच्या मुलाचं नाव आहे. दरम्यान घटनेची माहिती मिळताच टेंभुर्णी पोलीस स्टेशनचे अधिकारी घटनास्थळी पोहोचले असून, घटनेबाबत अधिक तपास सुरू असल्याची माहिती त्यांनी दिली. दरम्यान श्रीधरने नेमकी आत्महत्या का केली? याबाबत अद्याप कोणतीही अधिकृत माहिती समोर आलेली नाही.
श्रीधर गणेश नष्टे हा माढ्यातील आढेगावचा रहिवासी आहे, तो आठवीच्या वर्गात शिकत होता. त्याने बंदुकीची गोळी डोक्यात झाडून आत्महत्या केली आहे. त्याचे वडील गणेश नष्टे हे सिमा सुरक्षा दलात कार्यरत आहेत. त्यांचीच ही बंदूक आहे. या बंदुकीचं लायन्सस जम्मू काश्मीरचं आहे. त्याने आपल्या वडिलांची बंदूक घेतली. शांतपणे खुर्चीवर बसला आणि काही कळायच्या आतच स्वत:च्या डोक्यात गोळी झाडली. या घटनेनं नष्टे कुटुंबावर दु:खाचा डोंगर कोसळला आहे.
SL/ML/SL
27 Jsn. 2025
