या खेळाडूने रणजी सामन्यात घेतल्या ८ ओव्हर्स मध्ये ८ विकेट्स

मुंबई,दि.27 (एमएमसी न्यूज नेटवर्क) :  देशातील विविध राज्यांच्या क्रिकेट संघांमध्ये खेळवले जाणारे रणजी सामने म्हणजे भारतीय संघात वर्णी लागण्यासाठी उत्तम कामगिरी दाखवण्याची संधी. या सामन्यामधुन भारतीय क्रिकेट टिमला एकापेक्षा एक सरस खेळाडू मिळतात. आज अशाच एका खेळाडूने चक्क 8 ओव्हर्समध्ये 8 विकेट्स घेऊन BCCI चे सचिव जय शहा यांची शाबासकी मिळवली आहे.

रणजी ट्रॉफीमधील उत्तराखंड विरूद्ध हिमाचल प्रदेश सामन्याच्या पहिल्याच दिवशी उत्तराखंडचा वेगवान गोलंदाज दीपक धपोलाने  8.3 षटकात 35 धावा देत 8 फलंदाज बाद केले.. 32 वर्षाच्या दीपकने हिमाचल प्रदेशचा जवळपास सर्वच संघ एकट्याने बाद केला. या कामगिरीचे कौतुक खुद्द बीसीसीआयचे सचिव जय शहा यांनी केल्याने आता त्याच्यासाठी टीम इंडियाची दारे उघडणार का अशी चर्चा सुरू झाली आहे.