या देशात पदवीधर होण्याआधी १० झाडे लावणे बंधनकारक
पर्यावरणाचे संरक्षण करण्यासाठी आणि भविष्यातील पिढ्यांसाठी एक चांगले जग निर्माण करण्यासाठी फिलिपिन्स सरकारने हा महत्त्वपूर्ण निर्णय घेतला आहे. 2019 साली संसदेत ‘Graduation Legacy for the Environment Act’ हा कायदा एकमताने मंजूर करण्यात आला. या कायद्यानुसार, आता हायस्कूल, कॉलेज आणि अगदी प्राथमिक शाळेतील विद्यार्थ्यांनाही पुढच्या वर्गात जाण्यापूर्वी किंवा पदवी मिळवण्यापूर्वी किमान 10 झाडे लावण्याचा पुरावा सादर करणे बंधनकारक आहे.
हा नियम केवळ एक अट नसून, त्यामागे एक गंभीर कारण आहे. फिलिपिन्समध्ये वाढत्या जंगलतोडीमुळे वनक्षेत्र झपाट्याने घटले आहे. पूर्वी देशाचा सुमारे ७०% भाग घनदाट जंगलांनी व्यापलेला होता, पण आता हे प्रमाण फक्त २०% पर्यंत खाली आले आहे. या गंभीर समस्येवर उपाय म्हणून, सरकारने दरवर्षी १७५ दशलक्षाहून अधिक झाडे लावण्याचे महत्त्वाकांक्षी उद्दिष्ट ठेवले आहे. या उद्दिष्टाला पूर्ण करण्यासाठी विद्यार्थ्यांची मदत घेणे हा एक अभिनव उपाय आहे.
