जपानने प्रस्थापित केला इंटरनेट स्पीडचा विक्रम

टोकीयो, दि. ११ : जपानने इंटरनेट तंत्रज्ञानाच्या क्षेत्रात एक अभूतपूर्व यश मिळवले आहे. तेथील संशोधकांनी 1.02 पेटॅबिट प्रति सेकंद या अविश्वसनीय वेगाने डेटा प्रसारित करून जगातील सर्वात वेगवान इंटरनेट स्पीडचा विक्रम प्रस्थापित केला आहे. हे यश National Institute of Information and Communications Technology (NICT) ने Sumitomo Electric आणि युरोपमधील सहकारी संस्थांच्या मदतीने मिळवले आहे.

या प्रकल्पात वापरण्यात आलेली १९-कोर फायबर ऑप्टिक केबल पारंपरिक केबलच्या जाडीइतकीच असूनही ती एकाच वेळी अनेक डेटा प्रवाह वाहून नेण्यास सक्षम आहे. संशोधकांनी ८६.१ किमी लांब १९ फायबर लूप्स तयार केले आणि त्यातून सिग्नल २१ वेळा फिरवला, ज्यामुळे एकूण १,८०८ किमी अंतरावर १८० स्वतंत्र डेटा स्ट्रीम्स प्रसारित करण्यात आल्या. यामुळे 1.86 एक्सॅबिट प्रति सेकंद-किलोमीटर इतकी डेटा क्षमता गाठली गेली, जी आतापर्यंतची सर्वोच्च आहे.

या वेगामुळे अनेक गोष्टी शक्य होतात—उदाहरणार्थ, Netflix ची संपूर्ण लायब्ररी, Wikipedia चे १०,००० प्रती, किंवा ६७ दशलक्ष गाणी एका सेकंदात डाउनलोड करता येतात. भारताच्या सरासरी इंटरनेट स्पीडपेक्षा हा वेग १६ दशलक्ष पट आणि अमेरिकेपेक्षा ३.५ दशलक्ष पट अधिक आहे.

जरी हे तंत्रज्ञान सध्या प्रयोगशाळेपुरते मर्यादित असले तरी भविष्यातील ६G नेटवर्क, क्लाउड कम्प्युटिंग, AI, आणि अंडरसी डेटा केबल्स यासाठी हे एक महत्त्वाचे पाऊल ठरू शकते. हे यश केवळ तांत्रिक प्रगती नसून, भविष्यातील डिजिटल युगासाठी एक मजबूत पाया आहे.

SL/ML/SL