कोणत्याही बँकेतून किंवा तिच्या शाखेतून पेन्शनधारक घेऊ शकतील पेन्शन
मुंबई, दि. २ (एमएमसी न्यूज नेटवर्क) : ज्येष्ठ नागरिकांसाठी आर्थिक व्यवहार सुलभ व्हावेत म्हणून केंद्र सरकार प्रयत्न करत आहे. कर्मचारी पेन्शन योजना (EPS) 1995 च्या पेन्शनधारकांसाठी महत्त्वाचा निर्णय घेण्यात आला आहे. कर्मचारी पेन्शन योजना (EPS) 1995 अंतर्गत समाविष्ट असलेले निवृत्तीवेतनधारक 1 जानेवारी 2025 पासून भारतातील कोणत्याही बँकेतून किंवा तिच्या शाखेतून पेन्शन घेऊ शकतील. कर्मचारी भविष्य निर्वाह निधी संघटना (EPFO) ने या सेवेसाठी केंद्रीकृत पेन्शन पेमेंट सिस्टम (CPPS) मंजूर केले आहे.
सीपीपीएस ही राष्ट्रीय स्तरावरील प्रणाली आहे जी निवृत्तीवेतनधारकांना भारतातील कोणत्याही बँक किंवा शाखेतून पेन्शन घेण्यासाठी सेवा प्रदान करते. ही प्रणाली ईपीएफओ च्या सेंट्रलाइज्ड आयटी सक्षम प्रणाली (CITES 2.01) अंतर्गत सुरू करण्यात आली आहे. . यामुळे पेन्शनधारकांच्या समस्या सुटतील आणि पेन्शन वितरण सुलभ आणि प्रभावी होईल. ईपीएफओला तांत्रिकदृष्ट्या सक्षम आणि प्रतिसाद देणारी संस्था बनवण्याच्या दिशेने ही महत्त्वपूर्ण प्रगती आहे.
केंद्रीकृत पेन्शन पेमेंट प्रणालीचा फायदा 78 लाखांहून अधिक पेन्शनधारकांना होईल. सेवानिवृत्तीनंतर त्यांच्या मूळ गावी किंवा इतर कोणत्याही ठिकाणी स्थलांतरित झालेल्या पेन्शनधारकांसाठी ही सेवा विशेषतः उपयुक्त ठरेल. ही प्रणाली लागू झाल्यानंतर पेन्शनधारकांना बँक किंवा शाखा बदलण्याची किंवा पेन्शन पेमेंट ऑर्डर (पीपीओ) हस्तांतरित करण्याची गरज भासणार नाही. ही नवीन सेवा 1 जानेवारी 2025 पासून लागू होणार आहे.
SL/ML/SL
2 Jan. 2025
