पालघर आणि विक्रमगड मतदारसंघासाठी मनसेकडून उमेदवार जाहीर
पालघर, दि. २४ (एमएमसी न्यूज नेटवर्क) : महाराष्ट्र नवनिर्माण सेना पक्षाकडून बुधवारी उमेदवारांची तिसरी यादी जाहीर करण्यात आली आहे. यावेळी मनसे कडून पालघर विधानसभा मतदारसंघातून नरेश कोरडा आणि विक्रमगड विधानसभा मतदारसंघातून सचिन शिंगडा यांना उमेदवारी जाहीर करण्यात आली आहे. सध्या मनसे ने नालासोपारा, पालघर आणि विक्रमगड या तीन मतदारसंघात आपले उमेदवार विधानसभा निवडणुकीच्या रिंगणात उतरवले आहेत.
काँग्रेस – शिवसेना – काँग्रेस असा प्रवास करणारे माजी खासदार कै. दामू शिंगडा यांचे सुपुत्र सचिन शिंगडा यांनी अनेक वर्ष काँग्रेसशी असणाऱ्या पारिवारिक संबंधाला सोडून नुकताच मनसे मध्ये पक्ष प्रवेश केला होता. सचिन शिंगडा यांनी उमेदवारी मिळेल या आशेने मनसेची धरली. त्यानंतर आता मनसे कडून त्यांना विक्रमगड मतदारसंघातून उमेदवारी देण्यात आली आहे.
ML/ML/SL
24 Oct. 2024
