BMW ची Electric Scooter भारतीय बाजारात दाखल

मुंबई, दि. ३ (एमएमसी न्यूज नेटवर्क) : जगप्रसिद्ध वाहन कंपनी BMW ने भारतातीय बाजारपेठेत नवीन इलेक्ट्रिक स्कूटर BMW CE 02 लॉन्च केली आहे. स्कूटरची एक्स-शोरूम किंमत 4,49,900 रुपयांपासून सुरू होते. कंपनीने सांगितले की, त्यांची नवीन इलेक्ट्रिक स्कूटर शहर आणि शहरी वातावरण लक्षात घेऊन तयार करण्यात आली आहे. या उत्पादनाची रचना उत्तम असून नवीन पिढी आणि तरुणांना लक्षात घेऊन रचना करण्यात आली आहे. ही इलेक्ट्रिक स्कूटर BMW मोटरराड इंडियाकडून 1 ऑक्टोबरपासून उपलब्ध झाली आहे.बीएमडब्ल्यू मोटरराडने जुलैमध्ये सीई 04 इलेक्ट्रिक स्कूटर भारतीय बाजारपेठेत सादर केली. याची किंमत 14.9 लाख रुपये आहे. ही स्कूटर दोन खास रंगांमध्ये उपलब्ध आहे. यामध्ये ब्लू मेटल कलरचाही समावेश आहे.

इलेक्ट्रिक स्कूटर BMW CE 02 ही BMW मोटरराडने जर्मनीतील म्युनिकमध्ये विकसित केली आहे. स्कूटर भारतात TVS मोटर कंपनीद्वारे होसूरमध्ये उत्पादित केली जाईल. BMW ग्रुप इंडियाचे सीईओ आणि अध्यक्ष विक्रम पवाह म्हणाले, BMW 02स्कूटर प्रत्येक बाबतीत नवीन आहे. चमकदार रचना आणि नाविन्यपूर्ण उपायांमुळे ती नवीन प्रकारच्या गतिशीलतेसाठी एक उत्तम साथीदार आहे.

कंपनीने जारी केलेल्या माहितीनुसार, इलेक्ट्रिक स्कूटर BMW CE 02 ची कमाल पॉवर 11 kW आहे. जास्तीत जास्त टॉर्क 55 Nm आहे. तर स्कूटर फक्त 3 सेकंदात 0-50 किमी प्रती तास वेग गाठता येईल. या स्कूटरमध्ये 3.9 kWh एअर-कूल्ड लिथियम बॅटरी आहे.

SL/ML/SL
3 Sept 2024