टायटॅनिकवरील सर्वात श्रीमंत व्यक्तीच्या घड्याळाचा 12 कोटींना लिलाव

न्यूयॉर्क, दि. २९ (एमएमसी न्यूज नेटवर्क) : टायटॅनिक या महाकाय जहाजाला जलसमाधी मिळून शंभऱ वर्षांहून अधिक काळ उलटला तरीही त्याच्याशी निगडीत व्यक्ती आणि वस्तूंबाबत आजही लोकांच्या मनामध्ये कुतूहल आहे. नुकताच टायटॅनिक जहाजावरील सर्वात श्रीमंत प्रवाशाच्या सोन्याच्या घड्याळाचा लिलाव करण्यात आला आहे. बीबीसी न्यूजनुसार, उद्योगपती जॉन जेकब एस्टरचे हे घड्याळ 12 कोटींहून अधिक रुपयांना विकले गेले आहे. लिलाव अधिकारी अँड्र्यू अल्ड्रिज यांनी सांगितले की, हा एक जागतिक विक्रम आहे.

रिपोर्टनुसार, या घड्याळासोबत जॉनच्या सोन्याच्या कफलिंक देखील आहेत. अमेरिकेतील खाजगी कलेक्टर हेन्री अल्ड्रिज अँड सन्स यांनी ते विकत घेतले. यापूर्वी टायटॅनिक जहाज बुडताना घाबरलेल्या प्रवाशांना शांत करण्यासाठी वाजवलेल्या व्हायोलिनचा 2013 साली लिलाव करण्यात आला होता. लिलाव सुरू झाल्यानंतर अवघ्या 10 मिनिटांत हे व्हायोलिन 9.5 कोटी रुपयांना विकले गेले.

लिलावकर्ता अँड्र्यू म्हणाले, “हा लिलाव किती अनोखा आहे, याचा हा पुरावा आहे. यावरून हे देखील दिसून येते की लोक अजूनही टायटॅनिकच्या कथेबद्दल उत्सुक आहेत. 112 वर्षांपूर्वी बुडालेल्या जहाजाच्या कहाण्या आजही ऐकायला मिळतात. 2200 लोकांच्या या कथा आहेत. जे लोक या जहाजावर होते.”

बीबीसी न्यूजनुसार, टायटॅनिक बुडत असताना घड्याळाचा मालक जॉन जेकब लाइफबोटचा वापर करून आपला जीव वाचवण्याऐवजी जहाजावरील इतर लोकांशी बोलत होता. वास्तविक, जहाजावर किती मोठा धोका आहे, याची आधी जॉनला कल्पना नव्हती. मात्र, नंतर टायटॅनिक बुडू लागले आणि कॅप्टनने लाईफबोटींद्वारे जहाजातून लोकांना बाहेर काढण्यास सुरुवात केली. जॉनला धोका कळला, तोपर्यंत खूप उशीर झाला होता. अशा स्थितीत त्यांनी प्रथम पत्नी मॅडेलीन एस्टरला चौथ्या लाईफबोटीतून पाठवले आणि ते स्वतः जहाजावरच राहिले.

टायटॅनिक बुडाल्यानंतर सुमारे एक आठवड्यानंतर जॉनचा मृतदेह समुद्रात सापडला होता. त्याच्या खिशात सोन्याचे घड्याळ होते. जॉन त्या जहाजावर उपस्थित असलेला सर्वात श्रीमंत माणूस होता. त्यावेळी त्यांची संपत्ती 725 कोटी रुपये होती, जी आजच्या अनेक अब्ज डॉलर्सच्या समतुल्य असेल. जॉनचा मुलगा व्हिन्सेंट एस्टर याने त्याच्या वडिलांचे घड्याळ त्याच्या कार्यकारी सचिवाचा मुलगा विल्यम डॉबिन याला दिले.

SL/ML/SL

29 April 2024