मालदिवच्या राष्ट्राध्यक्षपदी चीनधार्जिणे नेते
माले, दि. २३ (एमएमसी न्यूज नेटवर्क) : वारंवार मदतीला धावून येणाऱ्या भारताला बाजूला सारून चीनला जवळ करणाऱ्या मालदिवमध्ये आता पूर्णपणे चीन धार्जिणे सरकार अस्तित्त्वात आले आहे. मालदीवमध्ये 21 एप्रिल रोजी संसदीय निवडणुका झाल्या, ज्यामध्ये मुइझ्झूच्या पक्षाचा विजय झाला. सोमवारी जाहीर झालेल्या प्राथमिक निकालांमध्ये मुइझूच्या नॅशनल पीपल्स काँग्रेस पक्षाला आणि त्यांच्या समर्थकांना 93 पैकी 71 जागा मिळाल्या. भारत समर्थक एमडीपी पक्षाला निवडणुकीत केवळ 12 जागा मिळू शकल्या. संसदेत बहुमतासाठी 47 पेक्षा जास्त जागांची गरज होती. मुइज्जू यांचा विजय हा भारतासाठी मोठा धक्का असल्याचे म्हटले जात आहे. लंडनस्थित मालदीवचे पत्रकार मोहम्मद इंतखाब यांच्या मते, मुइझूंच्या पक्षाने निवडणूक प्रचारादरम्यान भारतविरोधी भूमिका स्वीकारली. आगामी काळात मुइज्जूचा भारताला असलेला विरोध आणि चीनवरील प्रेम आणखी वाढणार आहे. मुइझू यांनी भारतीय सैनिकांच्या दुसऱ्या आणि शेवटच्या तुकडीला 10 मेपर्यंत मालदीव सोडण्याचा अल्टिमेटम दिला आहे.
मालदीवमधील संसदीय निवडणुकीत भारतविरोधी राष्ट्राध्यक्ष मोहम्मद मुइज्जू यांना मिळालेल्या प्रचंड बहुमताचे दुष्परिणाम होऊ लागले आहेत. 93 जागांपैकी मुइज्जू यांच्या पक्षाला 68 जागा मिळाल्या आहेत. आता मुइझू यांनी चीनच्या अजेंड्यावर काम करण्यास सुरुवात केली आहे. संविधान बदलणे हे त्यांचे पहिले काम आहे. सध्या राष्ट्रपतींच्या अधिकारांवर संसदेचे नियंत्रण आहे. राष्ट्रपतींच्या आदेशाला मंजुरी देण्यासाठी मुइझू संसदेत तीन-चतुर्थांशऐवजी साध्या बहुमताची तरतूद करतील. सूत्रांनी दिलेल्या माहितीनुसार, मुइझू 188 लोकवस्ती असलेल्या बेटांपैकी 30 नवीन बेटांवर चिनी कंपन्यांना बांधकाम कंत्राटे देणार आहे. येथे चिनी कंपन्या पहिल्या टप्प्यात एक हजार सदनिका बांधणार आहेत. समुद्रावर पूल बांधून ही 30 नवीन बेटे तयार करण्यात आली आहेत. याला जमीन पुनर्संरचना म्हणतात.
माजी भारत समर्थक राष्ट्राध्यक्ष मोहम्मद नशीद हे नवीन बेटांवर बांधकाम करण्याच्या विरोधात होते. पाण्याच्या वाढत्या पातळीमुळे मालदीव हे जगातील पहिले पर्यावरण निर्वासित होऊ शकते, असा इशारा त्यांनी दिला. त्यांनी भारत, श्रीलंका किंवा ऑस्ट्रेलियामध्ये जमीन खरेदी करण्याबाबत बोलले होते, मात्र, सत्तेत आल्यानंतर मुइझू यांनी जमीन परत मिळवून दिली.
SL/ML/SL
23 April 2024
