महायुतीच्या प्रचारार्थ सिनेअभिनेते गोविंदा यांचा रोड शो.
वाशीम, दि. 13 (एमएमसी न्यूज नेटवर्क) :२६ एप्रिल रोजी वाशीम यवतमाळ लोकसभा निवडणूकीसाठी मतदान होत असून त्यानुषंगाने विविध राजकीय पक्षांच्या निवडणूक प्रचाराला वेग येत आहे. महायुतीच्या वाशीम यवतमाळ लोकसभा मतदारसंघाच्या उमेदवार राजश्री हेमंत पाटील यांच्या प्रचारार्थ आज वाशीम येथे अभिनेता गोविंदा यांच्या भव्य रोड शोचे आयोजन करण्यात आले होते. वाशीम शहरातील सिव्हिल लाईन, वसंतराव नाईक चौक, डॉ. बाबासाहेब आंबेडकर चौक आणि पाटणी चौक मार्गे हा रोड शो छत्रपती शिवाजी महाराज चौकापर्यंत आयोजित करण्यात आला होता. यावेळी महायुतीच्या कार्यकर्त्यांनी दुचाकी रॅली काढून रोड शो मध्ये सहभाग घेतला. दरम्यान, आपल्या लाडक्या अभिनेत्याची एक झलक पाहण्यासाठी वाशीमकरांनी उत्स्फूर्त गर्दी केली होती.
ML/KA/PGB 13 APR 2024
