रामोजी फिल्म्सचे मोफत ऑनलाइन फिल्म मेकिंग कोर्स
हैदराबाद, दि. ६ (एमएमसी न्यूज नेटवर्क) : महाविद्यालयीन परीक्षा संपून आता विद्यार्थ्यांना पुढील करिअरच्या दिशा शोधण्याचे वेध लागतील. विविध मनोरंजन प्लॅटफॉर्मचे प्राबल्य असलेल्या या काळामध्ये बहुतांश तरुणांचा कल चित्रपट निर्मिती संबंधी तंत्रज्ञान शिकण्यामध्ये दिसत आहे. हे तंत्र शिकण्यासाठी उत्सुक विद्यार्थ्यांसाठी एक महत्त्वाची संधी प्रसिद्ध चित्रपट निर्मिती संस्था रामोजी अकॅडमी ऑफ मूव्हीज (RAM) उपलब्ध करून दिली आहे. RAM ने यासाठी काही मोफत कोर्स उपलब्ध करून दिले आहेत.
रामोजी फिल्म सिटी येथील रामोजी ग्रुपची डिजिटल फिल्म अकादमी असलेल्या रामोजी अकॅडमी ऑफ मूव्हीज (RAM) ने इंग्रजी व्यतिरिक्त हिंदी, मराठी, तेलुगू, मल्याळम, तमिळ, कन्नड आणि बांगला यासह सात भारतीय भाषांमध्ये ऑनलाइन फिल्म मेकिंग कोर्सेसची घोषणा केली आहे. या अभ्यासक्रमांमध्ये कथा आणि पटकथा, दिग्दर्शन, कृती, चित्रपट निर्मिती, चित्रपट संपादन आणि डिजिटल फिल्ममेकिंग यांचा समावेश आहे.
सर्वसमावेशक अभ्यासक्रम स्थानिक भाषांमध्ये विशेष अभ्यासक्रम आणि ते विनामूल्य आहे. ज्यामुळं उत्साही व्यक्तींना चित्रपट निर्मितीमध्ये करियर करणं सोपं होतं. विशेष म्हणजे हा अभ्यासक्रम हिंदी भाषेतूनही घेण्यात येणार आहे. याचा अर्थ चित्रपट निर्मितीची आवड असणाऱ्यांसाठी ही सुवर्णसंधी आहे. हा कोर्स शिकण्यासाठी तुम्हाला फक्त www.ramojiacademy.com या वेबसाइटवर लॉग इन करावे लागेल.
या अभ्यासक्रमांसाठी नोंदणी करण्यासाठी, कोणतीही उच्च वयोमर्यादा किंवा किमान पात्रता गरज नाही. किमान वयाची आवश्यकता 15 वर्षे आहे आणि अभ्यासासाठी निवडलेल्या भाषेत प्रवीणता अनिवार्य आहे. आवश्यक संवाद प्राप्त करण्यासाठी विद्यार्थ्याकडे वैध फोन नंबर आणि ईमेल पत्ता असणं आवश्यक आहे.
SL/ML/SL
6 April 2024
