जगातील सर्वात वृद्ध व्यक्तीचे निधन

व्हेनेझुएला, दि. ३ (एमएमसी न्यूज नेटवर्क ) : जगातील सर्वात वृद्ध व्यक्ती, जुआन व्हिसेंट पेरेझ मोरा यांचे वयाच्या ११४ व्या वर्षी निधन झाले. जुआन हे व्हेनेझुएलाचे रहिवासी होते. फेब्रुवारी 2022 मध्ये, गिनीज बुक ऑफ वर्ल्ड रेकॉर्डने त्यांना सर्वात वृद्ध व्यक्ती म्हणून घोषित केले होते. त्यावेळी त्यांचे वय 112 वर्षे 253 दिवस होते. वयाच्या ५ व्या वर्षी जुआन यांनी वडील आणि भावांसोबत शेतात काम करायला सुरुवात केली. त्यांना ऊस आणि कॉफीच्या लागवडीत मदत करायचे. यानंतर ते शेरीफ (स्थानिक पोलीस अधिकारी) झाले आणि त्यांनी आपल्या भागातील जमिनीशी संबंधित समस्या सोडविण्यास सुरुवात केली. मात्र, या काळात त्यांनी शेती सुरूच ठेवली.

व्हेनेझुएलाचे अध्यक्ष निकोलस मादुरो यांनी सोशल मीडिया प्लॅटफॉर्म X वर जुआन यांच्या मृत्यूची घोषणा केली. जुआन यांचा जन्म 27 मे 1909 रोजी झाला. त्यांना 11 मुले, 41 नातवंडे, 18 पणतू आहेत. गिनीज रिपोर्टनुसार, जुआन वो हे व्यवसायाने शेतकरी होते. कठोर परिश्रम, वेळेवर विश्रांती आणि रोज एक ग्लास उसापासून बनलेली दारू पिणे हेच त्यांच्या दीर्घायुष्याचे रहस्य असल्याचे त्यांनी सांगितले होते.

स्पेनमधील सॅटर्निनो दे ला फुएन्टे गार्सिया यांचे 18 जानेवारी 2022 रोजी वयाच्या 112 वर्षे आणि 341 दिवसांनी निधन झाले. यानंतर जुआन यांना जगातील सर्वात वृद्ध जिवंत व्यक्तीचा किताब मिळाला. गेल्या वर्षी मार्चमध्ये जगातील सर्वात वृद्ध महिलेचा मृत्यू झाला होता. दक्षिण आफ्रिकेत राहणारी जोहाना माझिबुको 128 वर्षांची होती. त्यांचा जन्म 1894 मध्ये झाला. जोहानाला 7 मुले, 50 हून अधिक नातवंडे, पणतू आहेत.

SL/ML/SL

3 April 2024