या देशात बंद होणार Google Pay ॲप
मुंबई, दि. २६ (एमएमसी न्यूज नेटवर्क) :
Google चे डिजिटल पेमेंट ॲप आता जगभरात लोकप्रिय झालेले आहेत. भारतीयांच्या दैनंदिन आर्थिक व्यवहारांत या ॲपला अनन्यसाधारण महत्त्वप्राप्त झाले आहे. असे हे लोकप्रिय ॲप आता अमेरिकेत बंद होणार आहे. ४ जून २०२४ रोजी अमेरिकेत गुगल पे ॲप बंद करण्याचा निर्णय गुगलने घेतला आहे. याबदल्यात वापरकर्त्यांना गुगल वॉलेटचा पर्याय गुगलकडून देण्यात आला आहे.गुगलने प्रसिद्ध केलेल्या एका ब्लॉग पोस्टमध्ये म्हटले की, अमेरिकेत यापुढे गुगल पे ॲपऐवजी गुगल वॉलेट ॲप वापरण्यात यावे. गुगल पे मधील बॅलन्स इतर ठिकाणी वळविण्यात यावा. अमेरिकेत जरी गुगल पे बंद होणार असले तरी भारत आणि सिंगापूरमध्ये ॲप सुरुच राहणार आहे. भारत आणि सिंगापूरमधील आमच्या कोट्यवधी ग्राहकांना या नव्या बदलांचा कोणताही फरक पडणार नाही. भारतातील ग्राहक गुगल पेच्या मदतीने पैसे स्वीकारू शकतात आणि पाठवू शकतात.
अमेरिकेतील ग्राहकांनी गुगल पेच्या ऐवजी गुगल वॉलेट ॲपचा पर्याय दिला आहे. या ॲपमध्ये डेबिट-क्रेडिट कार्ड व्हर्चुअली वापरले जाऊ शकते. तेसच तिकीट, पासेस आणि ‘टॅप टू पे’चा पर्याय गुगल वॉलेटमध्ये आहे. गुगल पे अॅप बंद होणार असले तरी वापरकर्ते गुगल पे वेबसाईटवरून बॅलन्स तपासू शकतात तसेच बँक खात्यात पैसे वळवू शकतात.
पेटीएम कंपनी अडचणीत आल्यानंतर दुकानदारांना मदत करण्यासाठी गुगलने आता स्वतःचा साऊंडपॉड बाजारात आणण्याची तयारी केली आहे. पेटीएमच्या साऊंडबॉक्समुळे दुकानदारांना मोठी मदत होते. यूपीआयद्वारे पेमेंट केल्यानंतर साऊंडबॉक्सद्वारे त्याची खातरजमा दुकानदार करत असतात. यामुळे प्रत्येकवेळी मोबाइलवर आलेला मेसेज तपासण्याचा वेळ वाचतो. मात्र पेटीएम अडचणीत आल्यानंतर दुकानदारांसमोर प्रश्नचिन्ह होते. यातच गुगलने स्वतःचा साऊंडपॉड आणण्याची तयारी केली आहे.
SL/KA/SL
26 Feb. 2024
