४५ लाख घरेलु कामगारांचा संपावर जाण्याचा इशारा
मुंबई, दि. 20 (एमएमसी न्यूज नेटवर्क) :राष्ट्रीय घरकामगार चळवळ आणि महाराष्ट्र राज्य घरेलु कामगार समन्वय समितीच्या वतीने राज्यातील ४५ लाख घरेलु कामगार संपावर जाणार असल्याचा इशारा कॉम्रेड उदय भट यांनी मुंबई मराठी पत्रकार संघ येथे आयोजित पत्रकार परिषदेत दिला.
राज्यातील ४५ लाख घरेलू कामगारांना श्रमिक म्हणून दर्जा मिळावा, सामाजिक सुरक्षा व इतर अधिकार मिळावेत. यासाठी वेळोवेळी आंदोलन केले.मात्र सरकारने फक्त आश्वासन देऊन बोळवण केली.
कोविड महामारीच्या काळात घरेलू कामगारांवर खूप मोठे आर्थिक आरिष्ट्य ओढवलेले होते. घरेलू कामगारांना त्यांचा काम करण्याचा अधिकारच नाकारला गेला होता. कोविड सारख्या या महामारीने कामगारांना सामाजिक सुरक्षेचे महत्व, त्यांचे श्रमिक म्हणून हक्क काय याची चांगलीच जाणीव करून दिली. त्या जाणिवेच्या आधारावर घरेलू कामगारांचा लढा नव्याने उभा राहत असल्याने सरकारने याबाबत सरकारने गांभिर्याने विचार करावा असे मंगला बवस्कर, शांता खोत, सुनंदा गुंजाळ,शालिनी भोसले, कमल साळुंखे या महिला पदाधिकाऱ्यांनी सांगितले.
या क्षेत्रात आर्थिक, सामाजिक, लैंगिक शोषण मोठ्या प्रमाणात असल्याकारणाने शासनाने त्याची दाखल घेऊन त्याच्या निर्मूलनासाठी पुढाकार घेणे आवश्यक आहे.असे सांगत ज्ञानेश पाटील व राजू वंजारे म्हणाले, घरेलू कामगारांचा रोजगार या नावाने, अनुसूचित रोजगाराच्या अनुसूची १ मध्ये समाविष्ट करत तशी अधिसूचना शासनाने निर्गमित केली होती आणि त्याच्या अंतिम अधिसूचनेचा मसुदा सादर केला होता. पण रोजगाराची अंतिम सूचना अजून प्रसिद्ध झालेली नाही.ती प्रसिद्ध करावी अशी त्यांनी मागणी केली.
ML/KA/PGB 20 Feb 2024
