अमेरिकेत प्रथमच देण्यात आली नायट्रोजन गॅसद्वारे मृत्यूदंडाची शिक्षा
अलाबामा, दि. २७ (एमएमसी न्यूज नेटवर्क) :
अमेरिकेच्या अलाबामा राज्यात गुरुवारी रात्री उशिरा केनेथ स्मिथ या व्यक्तीला नायट्रोजन वायूने मृत्यूदंडाची शिक्षा देण्यात आली.नायट्रोजन गॅसद्वारे देण्यात आलेली ही पहिलीच मृत्यूदंडाची शिक्षा आहे. मात्र या वेळेस केनेथ स्मिथला खूप त्रास झाल्याचे त्यावेळी उपस्थित असलेले स्मिथचे आध्यात्मिक सल्लागार रेव्हरंड जेफ हूड यांनी म्हटले आहे.मृत्यूदंडाची शिक्षा झालेल्या व्यक्तीला फारसा त्रास न होता लवकरात लवकर मृत्यू दिला जावा असा जागतिक संकेत असताना नायट्रोजन द्वारे मृत्यूदंड देताना स्मिथची खूप त्रास झाल्याचे समोर आल्याने या प्रकारच्या मृत्यूदंडाला देशभरातून विरोध होत आहे.
द गार्डियनला दिलेल्या मुलाखतीत स्मिथचे आध्यात्मिक सल्लागार रेव्हरंड जेफ हूड म्हणाले – ही मृत्यूदंडाची शिक्षा हा एक हॉरर शो होता. सुमारे 22 मिनिटे लागली. यावेळी स्मिथने आपल्या मुठी आवळल्या होत्या आणि त्याचे पाय थरथर कापत होते. तो श्वास घ्यायला धडपडतोय असं वाटत होतं.जेफ हूड पुढे म्हणाले – स्मिथकडे पाहून असे वाटले की जणू तो पाण्यातून बाहेर काढलेला मासा आहे. तो वेदनेत होता. तिथे उपस्थित सर्वांच्या चेहऱ्यावर भीती होती. नायट्रोजन गॅस देताच, स्मिथ सुमारे 4 मिनिटे तडफडत होता. यानंतर पुढील 5 मिनिटांत त्याला श्वास घेण्यास त्रास होत होता.
अलाबामा तुरुंगातील अधिकाऱ्यांनी दिलेल्या माहितीनुसार, स्मिथला प्रथम एका चेंबरमध्ये नेण्यात आले आणि त्याला स्ट्रेचरवर बांधण्यात आले. त्याच्या तोंडावर इंडस्ट्रियल मास्क घातला गेला आणि त्यात नायट्रोजन वायू सोडला गेला. श्वास घेताच हा वायू संपूर्ण शरीरात पसरला आणि शरीराच्या सर्व अवयवांनी काम करणे बंद केले. यामुळे स्मिथचा मृत्यू झाला.नायट्रोजन वायू श्वासात घेऊन मृत्यूदंड देणे म्हणजे तोंडाला प्लास्टिकने झाकून मारल्यासारखे आहे. फरक एवढाच की नायट्रोजनऐवजी कार्बन डायऑक्साइडमुळे मृत्यू होतो.
सीएनएननुसार, अलाबामाचे ॲटर्नी जनरल स्टीव्ह मार्शल यांनी सांगितले की, नायट्रोजन वायूने मृत्युदंड देण्याची टेस्टिंग झाली आहे. हे बरोबर सिद्ध झाले आहे. त्याचप्रमाणे राज्यात आणखी 43 जणांना मृत्यूदंडाची शिक्षा सुनावण्यात येणार आहे. इतर अनेक राज्येही यावर विचार करत आहेत. यासाठी आम्ही मदत करण्यासही तयार आहोत.
दुसरीकडे, यूएन, युरोपियन युनियन (ईयू) आणि आता व्हाईट हाऊसनेही याबाबत चिंता व्यक्त केली आहे. शुक्रवारी पत्रकार परिषदेत व्हाईट हाऊसचे प्रवक्ते कॅरिन जीन-पियरे म्हणाले – मृत्यूदंडाच्या शिक्षेसाठी नायट्रोजन वायूचा वापर त्रासदायक आहे. राष्ट्राध्यक्ष बायडेन यांनीही याबाबत चिंता व्यक्त केली आहे. हे आमच्या मूल्यांशी जुळते की नाही हे आम्ही सध्या तपासत आहोत, असे त्यांनी म्हटले आहे.
EU चे प्रवक्ते म्हणाले- ही विशेषतः क्रूर आणि असामान्य शिक्षा आहे. संयुक्त राष्ट्र मानवाधिकार प्रमुख वोल्कर तुर्क म्हणाले – नायट्रोजन वायूद्वारे मृत्युदंडाची कोणतीही चाचणी केली गेली नाही. हे छळ आणि अमानुष वागणूक असू शकते.
अमेरिकन मीडिया हाऊस सीएनएननुसार, स्मिथला 1988 मध्ये झालेल्या एका हत्येप्रकरणी दोषी ठरवण्यात आले होते. एका पादरीने स्मिथला त्याच्या पत्नीला मारायला लावले. 2022 मध्ये स्मिथला विषारी इंजेक्शन देऊन शिक्षा करण्याचा प्रयत्न करण्यात आला, पण तो वाचला. जे लोक नायट्रोजन वायूद्वारे मृत्युदंडाचे समर्थन करतात ते म्हणतात की याने कोणत्याही वेदना न होता व्यक्ती त्वरित मरते.
SL/KA/SL
27 Jan. 2024
