थालीपीठ भाजणीची उकळपेंडी

मुंबई, दि. 8 (एमएमसी न्यूज नेटवर्क) : Thalipeth roasting pandi प्रत्यक्षात लागणारा वेळ: 

२० मिनिटे

लागणारे जिन्नस: 

१. एक वाटी थालीपीठ भाजणी
२. दीड वाटी ताक
३. दोन मोठे चमचे तेल
४. अर्धा चमचा प्रत्येकी मोहरी व जीरे
५. पाव चमचा हिंग
६. एक मध्यम आकाराचा बारीक चिरलेला कांदा
७. आठ-दहा कढीपत्त्याची पाने
८. एक चमचा लाल तिखट
९. पाव चमचा हळद
१०. चवीप्रमाणे मीठ
११. मूठभर कोथिंबीर
१२. चिमूटभर साखर (ऐच्छिक)

क्रमवार पाककृती: 

१. सुरुवातीला मंद आचेवर कढईत ५-७ मिनिटे एक वाटी थालीपीठ भाजणी कोरडीच खमंग भाजून बाजूला काढून घ्या.
२. आता कढईत दोन मोठे चमचे तेल घालून गरम झाल्यावर नेहमीप्रमाणे मोहरी, जीरे, हिंग व कढीपत्त्याची फोडणी करा.
३. फोडणीत बारीक चिरलेला कांदा घालून त्याला गुलाबी होईस्तर परता.
४. कांदा मऊ झाल्यावर १ चमचा तिखट, पाव चमचा हळद व चवीप्रमाणे मीठ घालून एक वेळा नीट ढवळून घ्या (चिमूटभर साखर ऐच्छिक).
५. आता थालीपीठ भाजणी घालून, २-३ मिनिटे परतून घ्या आणि दीड वाटी ताक घालून चांगली दणदणीत वाफ काढा.
६. खायला देताना वरून कोथिंबीर भुरभुरा.

ML/ML/PGB 8 May 2024