धावत्या ट्रेनमध्ये लागली आग , मात्र जीवितहानी टळली
अहमदनगर, दि. 16 (एमएमसी न्यूज नेटवर्क): नगर आणि बीड जिल्ह्यातील नागरिकांच्या जिव्हाळ्याचा विषय असलेल्या नगर-आष्टी रेल्वेला वाळुंज गावाजवळ भीषण आग लागली. सोलापूर रोडवर धावत असलेल्या नगर-आष्टी रेल्वेच्या पाच डब्यांना अचानक आग लागली. आग विझवण्यासाठी स्थानिक नागरिक आणि रेल्वे प्रशासन यांनी जोरदार प्रयत्न करून आग आटोक्यात आणली, यात कोणतीही जीवीतहानी झालेली नाही .
याबाबत माहिती अशी की, अहमदनगर-आष्टी रेल्वेला वाळूंज बायपासजवळ धावत असताना भीषण आग लागली, पाच डब्यांना भीषण आग लागली. अग्निशमन दलाच्या चार गाड्या आग विझवण्यासाठी रवाना करण्यात आल्या होत्या. ही आग कशामुळे लागली? याचे कारण अद्याप समजलेले नाही.
आग आणि धुराचे लोट पाहून परिसरातील ग्रामस्थांनी एकच गर्दी केली होती. अहमदनगर : नगर- आष्टी रेल्वेमध्ये गर्दी नसल्याने सुदैवाने कोणालाही इजा नाही. स्थानिक ग्रामस्थ आणि अग्निशामक दलाकडून आगीवर नियंत्रण मिळवण्यात यश आले आहे. आगीत रेल्वेचे मोठे नुकसान झाले आहे. A fire broke out in the running train, but there was no loss of life
ML/KA/PGB
16 Oct 2023
