गुजरातमध्ये थैमान घालून बिपरजॉय राजस्थानकडे रवाना
अहमदाबाद, दि. १६ (एमएमसी न्यूज नेटवर्क) : आठवडाभर अरबी समुद्रात घोंगावणारा बिपरजॉय वादळ काल सायंकाळी 6.30 वाजता गुजरातमधील जखाऊ किनारपट्टीवर धडकले. बिपरजॉय चक्रीवादळ जखाऊ किनारपट्टीला धडकल्यानंतर गुजरातमध्ये मोठ्या प्रमाणात नुकसान झाले आहे. त्याचा प्रभाव कच्छ-सौराष्ट्र 8 जिल्ह्यांत राहिला. त्यातून मोठे नुकसान झाले. अनेक ठिकाणी झाडे व खांब कोसळले. वादळामुळे भावनगरमध्ये दोघांचा मृत्यू झाला. तर 22 हून अधिक जण जखमी झाले आहेत. गुजरातमध्ये प्रचंड उत्पात घडवून काहीसे क्षीण झालेले हा वादळ आता राजस्थानकडे वळले आहे.
गुजरातमध्ये चक्रीवादळाचा प्रभाव अजूनही दिसून येत आहे. कच्छ, मांडवी, नलिया, नारायण सरोवर, जखौ बंदर, मुंद्रा आणि गांधीधाम, अहमदाबादमध्ये राज्यभर मुसळधार पाऊस पडत आहे. ताशी 90 ते 125 किमी वेगाने वारे वाहत आहेत. संपूर्ण मांडवीत १८ तासांपासून वीज नाही. यामुळे लोक त्रस्त आहेत. कच्छमध्ये गेल्या 24 तासात 2 ते 7 इंच पाऊस झाला आहे. बिपरजॉय वादळ गुरुवारी संध्याकाळी साडेसहा वाजता गुजरातच्या कच्छ-सौराष्ट्रला धडकले. रात्री राजस्थानच्या बारमेरमध्ये आकाशाला भिडले आणि एन्ट्री घेतली. वादळामुळे मेहसाणा, दाहोद, खंभात आणि भावनगरमध्ये पाच जणांचा मृत्यू झाला. त्याची लँडफॉल प्रक्रिया मध्यरात्री पूर्ण झाली.
यावेळी ताशी १२५ ते १४० किलोमीटर वेगाने वारे वाहत होते. नंतर वाऱ्याचा वेग 108 किमी प्रतितास इतका कमी झाला. भुजमध्ये ५ इंचापर्यंत पाऊस झाला आहे. द्वारका आणि भुजमध्ये वीजपुरवठा बंद करण्यात आला होता.
बिपरजॉय आता मान्सूनची प्रगतीही थांबवणार आहे. हवामान खात्याच्या म्हणण्यानुसार, ते जमिनीवर पूर्व आणि उत्तर-पूर्व दिशेने सुमारे 13 किमी प्रतितास वेगाने पुढे जात आहे. वादळाच्या केंद्राचा आकार सुमारे 50 किमी आहे.
शुक्रवारी सकाळनंतर वादळाची ताकद झपाट्याने कमी होण्यास सुरुवात झाली आणि गुजरात ओलांडल्यानंतर त्याने मंद रूपात राजस्थानमध्ये प्रवेश केला. यादरम्यान अनेक भागात 10 ते 20 सेमी पाऊस पडण्याची शक्यता आहे. गुजरातबरोबरच पश्चिम राजस्थानमध्येही शुक्रवारी मुसळधार पाऊस पडेल, जो फक्त राजस्थानमध्ये शनिवारी सुरू राहील. रविवारी पूर्व राजस्थान, लगतच्या हरियाणा, मध्य प्रदेश आणि उत्तर प्रदेशात पाऊस दिल्यानंतर ही प्रणाली पूर्णपणे कमकुवत होईल. त्याच्या प्रभावामुळे रविवारपर्यंत मान्सून 11-12 जूनला जिथे पोहोचला होता तिथेच अडकून राहील.
SL/KA/SL
16 June 2023
