अमिताभ बच्चन शूटिंगदरम्यान जखमी
हैदराबाद, दि. ६ (एमएमसी न्यूज नेटवर्क) : चित्रपट अभिनेते अमिताभ बच्चन हैदराबाद येथे शूटिंगदरम्यान जखमी झाले आहेत. त्यांनी स्वतःच आपल्या ब्लॉगवर याची माहिती दिली आहे. ते सध्या मुंबईतील आपल्या घरी आराम करत आहेत. 80 वर्षीय अमिताभ बच्चन हे प्रभासच्या ‘प्रोजेक्ट K’ या चित्रपटाचे शूटिंग करत होते. त्यात एक अ‍ॅक्शन सीन करताना त्यांच्या बरगड्यांना इजा झाली. हैदराबादेतील उपचारानंतर त्यांना मुंबईला पाठवण्यात आले आहे.
अमिताभ बच्चन आपल्या ब्लॉग लिहिले आहे की, ” माझ्या बरगडीच्या पिंजऱ्यातील स्नायू फाटले आहेत. शूटिंग रद्द करण्यात आली आहे. पट्टी बांधली असून, उपचार सुरू आहेत. खूप जास्त वेदना होत आहेत. हलण्यासही त्रास होत आहे. श्वास घेण्यासही त्रास होत आहे. या वेदना कमी करण्यासाठी मला काही औषधी देण्यात आलीत. यातून सावरण्यासाठी आणखी काही आठवडे लागतील.”
SL/KA/SL
6 March 2023
